Еркин Қарақалпақстан Вести Каракалпакстана 17:04:45, 11.12.2017
Хош келипсиз! | RSS
Сайт мазмуны

Кириў усылы

РЕКЛАМА  ҲӘМ  ҒАЛАБА  ХАБАР  ҚУРАЛЛАРЫ

Қарақалпақстан Республикасы Меншиклестирилген кәрханаларға көмеклесиў ҳәм бәсекиликти раўажландырыў комитетинде усы комитет ҳәм Қарақалпақстан Республикасы Баспасөз ҳәм хабар агентлигиниң шөлкемлестириўинде «Ғалаба хабар қуралларында реклама: талқы, машқала ҳәм кемшиликлер» атамасында оқыў семинары болып өтти. Оған тараў қәнигелери ҳәм Қарақалпақстан Республикасы аймағында ҳәрекет етип турған ғалаба хабар қуралларының ўәкиллери қатнасты.

Реклама ҳаққындағы нызамшылық ҳүжжетлериниң талаплары бойынша ғалаба хабар қураллары ўәкиллерине кең түрде түсиник бериў, нызамшылық ҳүжжетлериниң бузылыўының алдын алыў бойынша әмелий жәрдем көрсетиў мақсетинде өткерилген бул семинарды Қарақалпақстан Республикасы Баспасөз ҳәм хабар агентлигиниң директоры А.Бекмуратов кирис сөз бенен ашты. Соң Қарақалпақстан Республикасы Меншиклестирилген кәрханаларға көмеклесиў ҳәм бәсекиликти раўажландырыў комитетинде усы комитеттиң Реклама жумысларын қадағалаў ҳәм тутыныўшылардың ҳуқықларын қорғаў бөлиминиң баслығы А.Юсупов, агентлик директорының орынбасары С.Қудайбергеновлар жыйналғанларға өткерилип атырған семинардың мазмун-әҳмийети, ғалаба хабар қураллары ҳәм реклама жумысларын тәртипке салыўға байланыслы нызам ҳүжжетлериниң өзине тән өзгешеликлери, өткен жыллар даўамында ғалаба хабар қураллары жумысларында жол қойылған нызам бузыўшылық жағдайлары, тараўда ушырасқан машқала ҳәм кемшиликлер ҳәм де оларды сапластырыў илажлары ҳаққында кең түрде түсиник берди.

Семинар соңында қатнасыўшылар өзлерин қызықтырған сораўларға жуўап алды.

С.ЖАНИЕВ. 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF