Еркин Қарақалпақстан Вести Каракалпакстана 17:09:48, 11.12.2017
Хош келипсиз! | RSS
Сайт мазмуны

Кириў усылы

БАЙРАМҒА БАҒЫШЛАНҒАН  ИЛАЖ

Быйыл Тийкарғы нызамымыз болған Өзбекистан Республикасы Конститу­циясының қабыл етилгенине 25 жыл толады. Усы мүнәсибет пенен республикамыздың барлық оқыў орынларында ҳәм мийнет жәмәәтлеринде жыйналыслар ҳәм ушырасыў кешелери шөлкемлестирилмекте. Усындай илажлардың бири «Өзстандарт» агентлиги «Қарақалпақстан сынаў ҳәм сертификатластырыў орайы» мәмлекетлик кәрханасында болып өтти.

Илажды орай директоры Ч.Худайбергенов кирис сөз бенен ашты. Соң орайдың ҳуқық мәсләҳәтшиси К.Шахаров Өзбекистан Республикасы Президентиниң усы жыл 20-июньдеги «Өзбекис­тан Республикасы Конституциясы қабыл етилгениниң жигирма бес жыллығын белгилеўге таярлық көриў ҳәм оны өткериў илажлары ҳаққында»ғы бийлиги шеңберинде әмелге асырылған жумыслар ҳаққында айтып өтти. Қарақалпақстан Республикасы прокуратурасы социаллық ҳәм экономикалық нызамшылықты орынлаў үстинен қадағалаў бөлими аға прокуроры И.Адамов, орайдың метрология бөлими баслығы Ж.Садықовлар жыйналғанларды Конституциямыздың 25 жыллық байрамы менен қызғын қутлықлап, Тийкар­ғы нызамымыздың халқымыз ҳәм елимиз турмысында тутқан орнына айрықша тоқтады.

Шығып сөйлеўшилердиң атап өткениндей, ғәрезсиз мәмлекетимиздиң бүгинги жетискенликлеринде, оның дүнья жәмийетшилигиндеги орнының беккемлениўинде, социал-экономикалық жақтан раўажланыўында ҳәм халқымыз турмысының абаданласыўында Конституциямыздың тутқан орны үлкен. Ол ҳақыйқый демо­кратиялық принциплерди сәўлелендирген болып, өзиниң алғы сөзинен баслап ақырғы статьясына шекем ғәрезсизлик, адамгершилик, тыныш-татыўлық, инсан ҳуқықы ҳәм еркинликлери, теңлик сыяқлы бир қатар идеяларды өз ишине алады. Оның ҳәр бир нормасы өзиниң мазмун-мағанасы менен халқымыздың бурын­ғы бай мәденияты ҳәм руўхыятына тиккелей байланыстырылған.

Илаж соңында өзлериниң пидайы мийнетлери менен көзге түсип киятыр­ған орай хызметкерлериниң бир топарын байрам мүнәсибети менен сыйлықлаў бойынша тийисли қарар қабыл етили.

К.ШАХАРОВ,

«Өзстандарт» агентлиги «Қарақалпақстан сынаў ҳәм сертификатластырыў орайы»

мәм­лекетлик кәрханасы ҳуқық мәсләҳәтшиси.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF