Еркин Қарақалпақстан Вести Каракалпакстана 10:28:04, 18.11.2017
Хош келипсиз! | RSS
Сайт мазмуны

Кириў усылы

ПРЕЗИДЕНТ БАЯНАТЫ ДОДАЛАНДЫ

Өзбекистан Республикасы Жоқары ҳәм орта арнаўлы билимлендириў министрлигиниң 2017-жыл 28-сентябрьдеги «Өзбекистан Республикасы Президенти Шавкат Мирзиёевтиң 2017-жыл 19-сентябрьдеги БМШ Бас Ассамблеясының 72-сессиясында шығып сөйлеген баянатының мазмун-әҳми­йетин үйрениўге бағышланған семинарлар шөлкемлестириў ҳаққында»ғы буйрығы ҳәм хатында белгиленген ўазыйпалардың орынланыўын тәми­йинлеў мақсетинде республикамыздың барлық орынларында әмелий семинарлар шөлкемлестирилип атыр.

Усындай семинарлардың бири жақында Қарақалпақ мәмлекетлик университетиниң мәденият сарайында Техника  факультети профессор-оқытыўшылары ҳәм студент-жасларының қатнасыўында өткерилди. Илажды факультет деканы Т.Узақов ашып берди.

Сондай-ақ, семинарда университеттиң Экономикалық теория кафедрасы баслығы, профессор Г.Утемуратова, «ЭКОСАН» халықаралық қайыр­қомлық фонды Қарақалпақстан аймақлық шөлкеминиң директоры, Қарақалпақстан Республикасы Жоқары Кеңесиниң депутаты Н.Мырзамуратов, Миллий идея, руўхыйлық тийкарлары ҳәм ҳуқық тәлими кафедрасы баслығы, Қарақалпақстан Республикасы Жоқары Кеңесиниң депутаты А.Байрыева ҳәм университет Жаслар аўқамының жетекшиси С.Ғаниев шығып сөйледи.

Шығып сөйлеўшилер өз сөзлеринде Президентимиз Шавкат Мирзиёевтиң Бирлескен Миллетлер Шөлкеми Бас Ассамблеясының 72-сессиясында шығып сөйлеген баянатында бир қанша мәселелерге айрықша тоқталып өткенлигин, мәмлекетимизде әмелге асырылып атырған социал-экономикалық реформалар ҳәм олардың нәтийжелилиги ҳаққында, экологиялық маш­қалалардан бири болған Арал машқаласына жәҳән жәмийетшилигиниң итибарын қаратыўы, Аўғанстандағы жағдайды ақылға муўапық сиясий жол менен шешиў, халықаралық терроризм ҳәм экстремизмге қарсы гүресиў ҳәм бүгинги күнде жаслар тәрбиясына айрықша итибар қаратыў, оларды миллий ҳәм улыўма инсаныйлық қәдириятлар тийкарында тәрбиялаў мәселелери билдирген пикирлерин бир аўыздан мақуллап, булар бойынша өзлериниң пикир-усынысларын билдирди.

Семинар соңында қатнасыўшылар өзлерин қызықтырған сораўларға жуўаплар алды.

Н.САДУЛЛАЕВА,

ҚМУ журналистика бағдарының 4-курс студенти.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF