Еркин Қарақалпақстан Вести Каракалпакстана 10:24:23, 18.11.2017
Хош келипсиз! | RSS
Сайт мазмуны

Кириў усылы

ҚОРҒАЎ ХЫЗМЕТИ ЎӘКИЛЛЕРИ  ПУҚАРАЛАР АРАСЫНДА

Өзбекистан Республикасы Президентиниң 2017-жыл 10-апрельдеги «Ишки ислер уйымларының жумыс нәтийжелилигин түп-тийкарынан арттырыў, жәмийетлик тәртипти, пуқаралардың ҳуқықларын, еркинликлери менен нызамлы мәплерин исенимли қорғаўды тәми­йинлеўде олардың жуўапкершилигин күшейтиў илажлары ҳаққында»ғы Пәрманы талапларына муўапық, сондай-ақ, ишки ислер уйымларының юридикалық ҳәм физикалық шахс­лар мал-мүлкин исенимли қорғаў тараўындағы жумысларының нәтийжелилигин буннан былай да арттырыў мақсетинде Өзбекистан Республикасы Министрлер Кабинетиниң «Ишки ислер уйымлары қорғаў хызмети жумысларын түп-тийкарынан раўажландырыў илажлары ҳаққында»ғы 2017-жыл 23-июнь күнги қарары қабыл етилип, қорғаў тараўы хызметкерлерине бир қатар анық  ўазыйпалар белгиленип берилген еди.

Бул ўазыйпаларды әмелге асырыў мақсетинде Нөкис қалалық ИИБ ра­йонлар аралық Қорғаў бөлими тәрепинен бир қатар илажлар шөлкемлестирилмекте. Усындай илажлардың бири жақында пайтахтымыз Нөкис қаласындағы «Гүлзар» мәкан пуқаралар жыйынында болып өтти.

Жыйналысты «Гүлзар» МПЖ баслығы ўазыйпасын ўақтынша атқарыўшы М.Тилеўмуратов ашты ҳәм алып барды. Өз сөзинде ол жынаятшылықтың ҳәм ҳуқықбузарлықлардың алдын алыў, жәмийетлик тәртипти сақлаўда ишки ислер уйымлары хызметкерлери менен бирге ислесиўдиң әҳмийети, бул бағдарда жыйын аймағында әмелге асырылып атырған жумыслар ҳаққында айтып өтти. Буннан соң усы жыйынның аймақлық профилактика инспекторы, аға лейтенант С.Хожанов, Нөкис қалалық ИИБ районлар аралық Қорғаў бөлими батальоны отряд командири, аға лейтенант Қ.Оспанов, «Гүлзар» МПЖ турғыны ҳәм басқалар сөзге шығып, жынаятшылықтың ҳәм ҳуқықбузарлықлардың, жаслардың ҳәр қыйлы диний ағымларға кирип кетиўиниң алдын алыў бойынша исленип атырған жумыслар, қорғаў хызметиниң абзаллықлары, пуқаралардың мал-мүлклери ҳәм объектлердиң исенимли қорғалыўын тәмийинлеў нәтийжесинде урлық, тонаўшылық жынаятларының кескин азайғанлығы жөнинде кең түрде мағлыўмат берди.

Илаж соңында жыйын турғынлары өзлерин қызықтырған сораўларға жуўаплар алды.   

П.ШАГИЛОВ,

Нөкис қалалық ИИБ районлар аралық Қорғаў бөлими батальоны

отряд командириниң орынбасары, аға лейтенант.

СҮЎРЕТТЕ: илаждан көринис.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF