Еркин Қарақалпақстан Вести Каракалпакстана 17:18:39, 11.12.2017
Хош келипсиз! | RSS
Сайт мазмуны

Кириў усылы

ЭКРАНЛАРЫМЫЗДА  ЕВРОПА ФИЛЬМЛЕРИ

Өзбекистан Республикасы Президенти Ш.Мирзиёев 2017-жыл 3-август күни елимиздиң дөретиўши зыялылары ўәкиллери менен өткерген ушырасыўында әдебият ҳәм көркем өнерди, мәдениятты раўажландырыў, халқымыздың руўхый дүньясын жетилистириў ҳаққында баянат жасаған еди. Бул бойынша 7-август күни кинематографияни раўажландырыў, миллий киноларды жәҳән экранларына алып шығыў ҳаққында қарар қабыл етилди.

Жақында Нөкис қаласында Өзбекистандағы Европа аўқамы делегация­сының басшысы, «Өзбеккино» миллий агентлиги ҳәм «Қарақалпақкино» регионаллық бөлими менен биргеликте шөлкемлестирилген бесинши Европа киносы фестивалы бул қарардың әмелий көриниси болды.

Кинофестивальды «Қарақалпақкино» бас директоры Б.Низаматдинов ашып берди. Фестивальда тамашагөйлердиң дыққатына Европа мәмлекетлериниң бес ҳүжжетли ҳәм мультипликациялық фильмлери усынылды. Онда Уллыбританияның «Патша сөзи», Германияның «Төрт патша», Швейцария­ның «Хайди», Финляндияның «Көл ҳаққында ертек», Францияның «Қанат қағып жибер», «Соңғы гәўҳар тас», фильмлери сыяқлы миллий ҳәм халық­аралық кино сыйлықларына ийе картиналар орын алған. Конференция барысында «Өзбеккино» миллий агент­лигиниң бас директоры Ф.Закиров, «Қарақалпақкино» директоры Б.Низаматдинов ҳәм Өзбекистандағы Европа аўқамы делегациясы баслығы, елши Э.Стипрайс 2013-жылдан берли шөлкемлестирилип киятырған бул кинофестиваль Европа ҳәм Өзбекистан бирге ислесиўиниң айқын көриниси болып табылады деп атап өтти. Демек, Европа аўқамы ҳәм Қарақалпақстан Республикасы арасындағы мәдений бирге ислесиўдиң жаңа басқышы басланды. Фестивальда Европаға да қарақалпақ кинематографшылары тәрепинен түсирилген еки кинофильмниң усынылмақшы екенлиги ҳаққында айтып өтилди.

Фестиваль жуўмағында Эдуардс Стипрайс фестивальды шөлкемлестириўде бирге ислескени ҳәм қоллап-қуўатлағаны ушын «Өзбеккино», «Қарақалпақкино», «Қарақалпақфильм», сондай-ақ, Бердақ атындағы Қарақалпақ мәмлекетлик Академиялық музыкалы театры басшылығына терең миннетдаршылық билдирди.

Н.САДУЛЛАЕВА,

ҚМУ журналистика тәлим бағдарының 4-курс студенти.

СҮЎРЕТТЕ: фестиваль қатнасыўшылары.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF