Еркин Қарақалпақстан Вести Каракалпакстана 17:19:14, 11.12.2017
Хош келипсиз! | RSS
Сайт мазмуны

Кириў усылы

ИСБИЛЕРМЕНЛИК СУБЪЕКТЛЕРИНИҢ ҲУҚЫҚЛАРЫ  ҲӘМ НЫЗАМЛЫ МӘПЛЕРИН ҚОРҒАЎ МАҚСЕТИНДЕ

Мәмлекетимизде исбилерменлик субъектлериниң ҳуқықлары ҳәм нызамлы мәплерин исенимли қорғаў бойынша анық мәнзилли ис-илажлар белгиленип,  бул қабыл етилген бир қатар нызамлар ҳәм нызам асты ҳүжжетлери менен мәмлекетлик уйымлар, ҳуқық қорғаў ҳәм қадағалаўшы уйым­ларының исбилерменлик искерлигине нызамсыз араласыўын сапластырыў жолында қатаң тәртиплер орнатылған.

Бул ҳәрекетлер исбилерменлик субъектлериниң мәмлекетимиз экономикасындағы роли ҳәм әҳмийетин және де арттырыўға хызмет етпекте.

Нәтийжеде исбилерменлик жумысы менен шуғылланыў бойынша қәлеўшилердиң саны артып, жылдан-жылға исбилерменлик субъектлериниң саны көбеймекте.

Исбилерменлик ҳәрекети халықты жумыс пенен тәмийинлеў менен бирге олардың турмыс дәрежесиниң жақсыланыўына тийкар жаратпақта.

Алып барылып атырған реформалар нәтийжесинде исбилерменлик субъектлериниң ҳуқықлары ҳәм нызамлы мәплерин қорғаў сис­темасының жаңа тәсиршең механизмлерин енгизиўде ҳәм де мәмлекетимизде және де қолайлы исбилерменлик орталығын жаратыў мақсетинде Өзбекистан Республикасы Президентиниң  2017-жыл 5-май күни «Өзбекистан Республикасы Президенти жанындағы исбилерменлик субъектлериниң ҳуқықлары ҳәм нызамлы мәплерин қорғаў бойынша ўәкили институтын шөлкемлестириў ҳаққындағы» Пәрманы қабыл етилди.

Усы қабыл етилген пәрман бойынша Өзбекистан Республикасы Президенти жанындағы исбилерменлик субъектлериниң ҳуқықлары ҳәм нызамлы мәплерин қорғаў бойынша ўәкили институтының тийкарғы бағдарлары ҳәм ўазыйпалары белгиленди.

Оған муўапық, исбилерменлердиң ҳуқықларын қорғаў бойынша ўәкилге исбилерменлик субъектлериниң ҳуқықлары ҳәм нызамлы мәплериниң қорғалыўына байланыслы нызам ҳүжжетлеринде көрсетилген мәмлекетлик уйымлар, соның ишинде ҳуқық қорғаў ҳәм қадағалаўшы уйымлар тәрепинен орынланыўын үйрениў, исбилерменлик субъектлери жумысларында тексериўлердиң нызамлы мониторингин алып барыў, және де мәплерин қорғаўда судларға мәмлекетлик бажы төлеместен арзалар ҳәм даўа арзалар менен мүрәжат етиў ҳәм тағы басқа да бир қатар ҳуқықлары атап өтилген.

Усы тийкарда 2017-жыл 4-август күни Өзбекистан Республикасы Министлер Кабинетиниң «Өзбекистан Республикасы Президенти жанындағы исбилерменлик субъектлериниң ҳуқықлары ҳәм нызамлы мәплерин қорғаў бойынша ўәкил инс­титуты жумысын шөл­кемлес­тириў ис-илажлары ҳаққында»ғы қарары қабыл етилди.

Буннан тысқары, 2017-жыл 29-август күни «Өзбекистан Республикасы Президенти жанындағы исбилерменлик субъектлериниң ҳуқықлары ҳәм нызамлы мәплерин қорғаў бойынша ўәкил ҳаққында»ғы Өзбе­кистан Республикасының нызамы қабыл етилди.

Қабыл етилип атырған  нызам ҳүжжетлериниң өз ўақтында орынланыўына үлесимизди қосыў, кең жәмийетшилик итибарына  жеткериў ҳәм үгит-нәсият жумысларын алып барыў ­ тийкарғы ўазыйпаларымыздан бири болып табылады.

 

Е.УТЕПОВ,

Қарақалпақстан Республикасы Әдиллик министрлиги Исбилерменлик субъектлери ҳәм сырт ел инвестицияларын ҳуқықый қорғаў бөлими аға мәсләҳәтшиси,

Ю.ЕРЖАНОВ,

усы министрликтиң Шәртнамалық-ҳуқықый ислерди қадағалаў бөлиминиң аға мәсләҳәтшиси,

З.БЕРДИМУРАТОВ,

бөлимниң жетекши мәсләҳәтшиси.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF