Еркин Қарақалпақстан Вести Каракалпакстана 16:47:03, 18.10.2017
Хош келипсиз! | RSS
Сайт мазмуны

Кириў усылы

НӘТИЙЖЕЛИ ЖУМЫС  АЛЫП БАРЫЛМАҚТА

Бүгинги күнде елимизде жеке исбилерменлик жумысын қорғаўдың ҳуқықый механизмлери менен кепилликлерин буннан былай да беккемлеў, оларды мәмлекет тәрепинен қоллап-қуўатлаўдың жаңа қуралларын жаратыў, исбилерменлик субъектлериниң кредит ресурсларынан пайдаланыўын кеңейтиў, бос турған мәмлекетлик мүлк объектлерин «ноль»лик баҳада берилиўи ҳәм сол тийкарда жаңа жумыс орынларын жаратыў бағдарында анық илажлар әмелге асырылмақта.

Ҳүкиметлик қарарлар тийкарында республикамызда 2016-2017-жыллар даўамында инвестициялық ҳәм социаллық миннетлемелерди қабыл етиў шәрти менен жәми 78 мәмлекетлик мүлк объектлери «ноль»лик баҳада исбилерменлерге берилиўи белгиленген. Усылардан бүгинги күнге келип 37 объект «но­ль»лик баҳада сатылып, исбилерменлер тәрепинен 17 миллиард 300 миллион сумлық инвести­циялар киргизилди ҳәм буның нәтийжесинде 395 жаңа жумыс орынлары шөлкемлестирилди.

Сондай-ақ, Өзбекистан Республикасы Министрлер Кабинетиниң тийисли қарары тийкарында усы жылдың 6-сентябрь күни болып өткен таңлаў саўдаларында 28 объект «ноль»лик баҳада сатылып, 35 миллиард 700 миллион сумлық инвестиция киргизилиўи ҳәм усының нәтийжесинде  449 жаңа жумыс орынлары жаратылыўы нәзерде тутылмақта.

Пайдаланылмай бос турған объектлердиң «ноль»лик баҳада исбилерменлик жумысын шөлкемлестириў ушын берилиўи олардың усы объектлерде ислеп шығарыў ҳәм хызмет көрсетиў жумысларын жолға қойыўға түртки болды.

Әлбетте, ҳүкиметимиз тәрепинен исбилерменлик субъектлерине берилип атырған жеңилликлер олардың жумысының нәтийжелилигин арттырыўға ҳәм кепилликлерин тәмийинлеўге, оларды мәмлекет тәрепинен қоллап-қуўатлаўдың жаңа механизм­лерин енгизиўге ҳәм усы тийкарда жаңа жумыс орынларын шөлкемлестириў және халықтың турмыс дәрежесин арттырыўға хызмет етеди.

А.МНАЖОВ,

Қарақалпақстан Республикасы Меншиклестирилген кәрханаларға көмеклесиў

ҳәм бәсекиликти раўажландырыў комитети мәмлекетлик активлерди

жеке мүлкке бериў бөлими баслығы ўазыйпасын атқарыўшы.

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF