Еркин Қарақалпақстан Вести Каракалпакстана 10:22:41, 18.11.2017
Хош келипсиз! | RSS
Сайт мазмуны

Кириў усылы

РЕСПУБЛИКАМЫЗ ЎӘКИЛЛЕРИНИҢ АШХАБАДТАҒЫ ТАБЫСЫ

Усы жылдың 17-27-сентябрь күнлери Түркменстанның пайтахты Ашхабадтың «Олимпия» стадио­нында Жабық объектлерде ҳәм жаўынгерлик өнерлери бо­йынша V Азия ойын­лары болып өтти. Бул абырайлы спорт ойынларына Өзбекистан делега­циясы қурамында Бразилияның Рио де-Жанейро қаласында өткерилген жаз­ғы Олимпиада ойынларының қатнасыўшысы, Қатардың Доха қаласында өткерилген Азия кубогының жеңимпазы, жерлесимиз Рустам Джангабаев та спорттың аўыр атлетика түринен қатнасты.

Алпыстан аслам елдиң спортшылары қатнасқан бул жарыста жерлесимиз Рустам Джангабаев аўыр салмақта және бир мәрте өзиниң теңсиз спортшы екенлигин тастыйықлады. Атап айтқанда, ол дәс көтериўде 199 килограмм ҳәм силкип көтериўде 243 килограммды, жәми 442 килограммды өзине бойсындырып, V Азия ойынларының чемпионы атағын жеңип алыўға миясар болды ҳәм алтын медаль менен сыйлықланды. Усы орында Рустам Джангабаевтың спорттағы биринши устазы Абат Нурыллаев, ҳәзирги ўақытларда бул спортшыны жарысларға пуқта таярлап киятырған тренери Мансур Чашимов екенлигин атап өтиўимиз керек.

Бүгинги күни республикамыз мақтанышына айлан­ған, Өзбекистан Республикасына хызмет көрсеткен спортшы Рустам Джангабаев Тақыятас ра­йонындағы Балалар ҳәм жас өспиримлер спорт мектебинде спорттың аўыр атлетика түринен тренер-оқытыўшы болып, өзине мүнәсип избасарлар таярлап келмекте.

Соның менен бирге, Ашхабадта республикамыз ўәкиллеринен еркин гүрес бойынша Севара Ешмуратова, Дәўлетбийке Яхшимуратова ҳәм муайтай бо­йынша Үббинияз Пирния­зовлар да қатнасып, қола медалын алыўға миясар болды.

 С.ОРАЗЫМБЕТОВөз хабаршымыз.

СҮЎРЕТТЕ: Р.Джангабаев (оңда).

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF