Еркин Қарақалпақстан Вести Каракалпакстана 16:52:15, 18.10.2017
Хош келипсиз! | RSS
Сайт мазмуны

Кириў усылы

НЫЗАМ ШЕҢБЕРИНДЕ БОЛҒАНЫ МАҚУЛ

Соңғы жылларда елимизде банк сис­темасын раўажландырыўға кең жол ашылып, бул тараў ўәкиллерине ҳәм енди жумыс баслап атырған жас исбилерменлерге кең мүмкиншиликлердиң жаратылыўы ақырғы жуўмақта мәмлекетимиз экономикасының көтерилиўине, халқымыздың турмыс пәраўанлығының артыўына алып келмекте.

Лекин, бес бармақтың бирдей болмағанындай, арамызда пул айланысын банк арқалы орынламай, миллий нызамшылығымызда көрсетилген талапларды билқастан бузып атырған заманласларымыздың да ушырасып туратуғыны сыр емес.

2017-жылдың 17-февраль сәнесинде Өзбекистан Республикасы Бас прокуратурасы жанындағы СВБЖҳЖДЛҚГ департаменти Қоңырат районлық бөлими хызметкерлери тәрепинен район аймағында рейд-тексериў жумыслары өткерилгенде, райондағы дийқан базары аймағында пуқара П.Асанова (исм­лер өзгертилип алынды) нызамсыз түрде 100 АҚШ долларын 686 мың сум­ға арнаўлы қарыйдар З.Исаевадан сатып алған ўақтында иркилген ҳәм  П.Асанованың жанында нызамсыз түрде сатыў мақсетинде алып жүрген 26 мың Қазақстан теңгеси ҳәм сырт ел валютасын алды-сатты саўдасына ислетип келген 1 миллион 688 мың сумы бар екенлиги анықланып, айғақлы зат ретинде ҳүжжетлестирилди. П.Асанованың бул ис-ҳәрекетлери судқа асырылып, нәтийжеде ол Өзбекистан Республикасы Ҳәкимшилик жуўапкершилик ҳаққындағы кодексиниң тийисли статьясы менен жуўапкершиликке тартылды.

Нызамсыз ис-ҳәрекет ҳеш ўақытта да жақсылыққа алып келмейди. Сонлықтан да, ислеген ҳәр бир жумысымыз нызам шеңберинде болғаны мақул...

 

Ж.ҚУРБАНБАЕВ,

Өзбекистан Республикасы Бас прокуратурасы жанындағы

СВБЖҳЖДЛҚГ департаменти Қанлыкөл районы бөлими инспекторы.

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF