Еркин Қарақалпақстан Вести Каракалпакстана 10:25:00, 18.11.2017
Хош келипсиз! | RSS
Сайт мазмуны

Кириў усылы

ТАРАЎДЫ БАСҚАРЫЎ СИСТЕМАСЫН  ЖЕТИЛИСТИРИЎ МАҚСЕТИНДЕ

Жақында Қарақалпақстан Республикасы Экология ҳәм қоршаған орталықты қорғаў комитетинде шығындылардың пайда болыўы, топланыўы, сақланыўы, тасылыўы, утилизацияланыўы, қайта ислениўи, көмилиўи ҳәм реализациялаў бойынша қадағалаў инспекциясы менен «Таза аймақ» мәмлекетлик унитар кәрханасының қала ҳәм районлардағы инспекторлары, қәнигелери қатнасыўында оқыў-әмелий семинары болып өтти.

Семинарды комитет баслығының орынбасары В.Ниязымбетов басқарып барды. Онда қадағалаў инспекциясы баслығы М.Нуржанов Ташкентте өткерилген семинар-тренингте шығындылардың пайда болыўы, топланыўы, сақланыўы, утилизацияланыўы, қайта ислениўи, көмилиўи ҳәм реализациясын қадағалаўшы инспекторлардың еле де жеткиликсиз дәрежеде ислеп атырған жумысларына кең түрде түсиник берди. Сондай-ақ, «Таза аймақ» мәмлекетлик унитар кәрханасы қәнигелериниң бир­қанша унамлы жумыслар ислеп атырғаны менен бирге орын алған кемшиликлерге де тоқтап өтти. Сондай-ақ, баянатшы өз сөзинде Нөкис қаласы, район орайлары ҳәм елатлы пункт­лерде шығындыларды топлаў бойынша полигонлардың санын көбейтиў, олардың жайласқан орынларын арнаўлы ҳүжжетлер менен тәмийинлеп, Қарақалпақстан Республикасы мәмлекетлик экологиялық экспертиза орайынан есаптан өтиўи кереклигин, полигонларда шығындылардың алып келиниўи бойынша анық есап-санақ жумыслары турақлы түрде жүргизилиўи, бул объектлердиң жайласқан орны, жер майданы, санитариялық зонасы ҳәм басқа да көрсеткишлери менен қала ҳәм район ҳәкимликлери тәрепинен тастыйықлап берилген паспортлары болыўы кереклигин атап өтти. 

Семинарда Өзбекистан Республикасы Президентиниң 2017-жыл 21-апрельдеги «2017-2021-жылларда турмыслық шығындылар менен байланыслы жумысларды әмелге асырыў системасын түп-тийкарынан жетилистириў ҳәм раўажландырыў илажлары ҳаққында»ғы қарарын әмелге асырыў бо­йынша кең көлемли ўазыйпалар белгилеп алынды ҳәм қатнасыўшыларға ҳәзирги ўақытта қала, район, мәкан пуқаралар жыйынларында шығындылар менен ислесиў бойынша орын алған кемшиликлер ҳаққында ҳүжжетли фильм көрсетилди. Илаж соңында инспекторлар менен қәнигелер орын алған кемшиликлерди сапластырыў бойынша исленетуғын жумыслар ҳаққында өзлериниң пикир-усыныслары менен шығып сөйледи.

Қ.ЮСУПОВ,

Қарақалпақстан Республикасы Экология ҳәм қоршаған орталықты

қорғаў бойынша комитети консультанты.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF