Еркин Қарақалпақстан Вести Каракалпакстана 10:20:07, 18.11.2017
Хош келипсиз! | RSS
Сайт мазмуны

Кириў усылы

КӘРХАНАНЫҢ КЕЛЕШЕГИ АЙДЫН

Мәмлекетимизде электр энергиясын халық хожалығының барлық тараўларына жеткерип бериўдиң сан ҳәм сапасын жақсылаў бағдарында унамлы жумыслар алып барылмақта. Сондай-ақ, экономика тараўларының раўажланып, халықтың социаллық турмысының абаданласыўы энергетика ресурсларына деген талапты асырыўы тәбийғый.

Мине усыған бола, елимизде энергетика комплексиниң талабын қанаатландырыў, ишки базарларымызды импорт орнын басатуғын жоқары кернеўли өнимлер менен тәмийинлеў, экспорт көлемин кеңейттириўге айрықша дыққат-итибар қаратылып атырғанлығы тосыннан емес.

Өзбекистан Республикасы Ғәрезсизлигиниң 26 жыллық байрамы мүнәсибети менен пайтахтымызда «Нөкис электроаппарат» жуўапкершилиги шекленген жәмийетиниң иске түсирилгени буның айқын мысалы. Бул кәрханада Италия, Германия, Швейцария, Қытай, Россия мәмлекетлериниң абырайлы фирмаларының заманагөй үскенелеринде ислеп шығарылатуғын 6-10 кВ қуўатлылығына ийе трансформатор подстанцияларына елимиз халық хожалығының барлық тараўларында талап жоқарылығы да есапқа алынған. Тағы бир әҳмийетли тәрепи, келеси жылдан баслап халықаралық талапқа жуўап беретуғын бул өнимлерди ишки базарымыздан тысқары Орайлық Азия еллерине, ҒМДА мәмлекетлерине экспорт етиў режелестирилгени кәрхананың келешеги айдын екенлигине исеним оятады. Бул ушын Президентимизге терең миннетдаршылық билдиремиз.

 

Д.АЛЛИЯРОВ,

«Ўздавэнергоназорат» мәмлекетлик инспек­циясы

Қарақалпақстан Республикасы аймақлық бөлими инспекторы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF