Еркин Қарақалпақстан Вести Каракалпакстана 18:07:57, 22.09.2019
Хош келипсиз! | RSS
Сайт мазмуны

Кириў усылы

КӨШПЕЛИ ҚАБЫЛЛАЎ БОЛЫП ӨТТИ

Елимизде «Халық мәмлекетлик уйымларға емес, мәмлекетлик уйымлар халқымызға хызмет етиўи керек» деген принципти әмелде жүзеге шығарыў, сондай-ақ, мүрәжатлар менен ислесиўдиң сапа жағынан түп-тийкарынан жаңа системасын жаратыў мақсетинде Өзбекистан Республикасы Президентиниң 2016-жыл 28-декабрьдеги «Физикалық ҳәм юридикалық шахслардың мүрәжатлары менен ислесиў сис­темасын түпкиликли жетилистириўге байланыслы илажлар ҳаққында»ғы Пәрманы қабыл етилип, аймақларда Халық қабыллаўханалары өз жумысын баслады.

Жақында Қарақалпақстан Республикасы Жоқарғы Кеңесиниң Баслығы М.Ерниязовтың басшылығында Шоманай районында Өзбекистан Республикасы Президентиниң Халық қабыллаўханасы тәрепинен көшпели қабыллаў шөлкемлестирилди. Илажға барлық минис­трликлер менен шөлкемлердиң, мәмлекетлик комитетлердиң, ҳуқық қорғаў уйымларының, өзин-өзи басқарыў уйымларының басшылары ҳәм район жәмийетшилиги қатнасты.

Көшпели қабыллаўда Президентимиздиң Қарақалпақстан Республикасындағы ҳәм Шоманай районындағы Халық қабыллаўханаларына келип түскен мүрәжатлар тараў басшыларының қатнасында көрип шығылды.

Көтерилген машқалалар тийкарынан банклерден кредит алыў, халықтың бәнтлиги, жаңа жумыс орынларын жаратыў, турақ жай, коммуналлық хызмет көрсетиў, денсаўлықты сақлаў, билимлендириў, пенсия тәми­й­наты ҳәм напақалар, исбилерменлик және ҳуқықбузарлыққа байланыслы мәселелер болып, олардың көпшилиги сол жердиң өзинде унамлы шешимин тапты.

Илажда барлық тараўларда нызамшылықты тәмийинлеў, ҳуқықбузарлықлардың алдын алыў, кәсип-өнер колледжи питкериўшилерин жумыс пенен тәмийинлеў, инсан ҳуқықлары менен мәплерин қорғаў бағдарындағы жумыслар бойынша  мәпдар шөлкемлердиң басшыларының халық алдындағы есапларын тыңлаў системасын жети­листириў  зәрүрлиги атап өтилди.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF