Еркин Қарақалпақстан Вести Каракалпакстана 17:58:25, 07.03.2021
Хош келипсиз! | RSS
Сайт мазмуны

Кириў усылы

КИТАП ОҚЫҒАН  КЕМ БОЛМАС

Мәмлекетимиз басшысының миллий, руўхый кәди­риятларымызға ҳүрмет-иззет пенен қараў, муқаддес динимиз ҳәм үрп-әдетлеримиз, бийбаҳа тарийхый мийрасымызды қәстерлеп-сақлаў ҳәм раўажландырыў жолында бизге қарата айтқан ҳәр бир сөзинде терең мәни бар. Солар қатарында жаслар арасында китапқумарлықты арттырыў мақсетинде әмелге асырылып атырған ислер олардың тәрбиясында үлкен әҳмийетке ийе.

Жақында Нөкис политехника кәсип-өнер колледжинде оқыўшылар арасында китапқумарлықты арттырыў мақсетинде «Биринши Президентимиз И.Ә.Кәримовтың китапларын қәдирлеймиз» атамасында кеше шөлкемлестирилди. Кешеде оқыўшылар биринши Президентимиз И.Ә.Кәримовтың бүгинги бахытлы турмысымызды тәмийинлеўдеги үлкен мийнетлерин еске алып, оның дөреткен китапларының турмысымызда тутқан әҳмийети бойынша баянатлар оқыды.

Кеше соңында оқыўшылар И.Ә.Кәримовтың «Ертең ким болыўымыз, қандай жетискенликлерге ерисиўимиз керек!» деген сораўлары үстинде өз пикир ҳәм усынысларын билдирди.

Китапханамызда биринши Президентимиздиң  20 дан аслам атамадағы китаплары бар болып, олардың ҳәр бирин қәстерлеймиз, абайлаймыз. Оның «Ана журтымыздың ығбалы ҳәм уллы келешеги жолында хызмет етиў ­ ең жоқары бахыт» атлы китабында «Мен жасларымызға қарата айтпақшыман: оқың, тарийхты үйрениң, тарийхты, өтмишти билген адам келешекте адаспайды» деп айтқан сөзлерине үлкен итибар беремиз.

Меҳрибаным ПАЛЎАНОВА,

Нөкис политехника кәсип-өнер колледжиниң арнаўлы пән оқытыўшысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF