Еркин Қарақалпақстан Вести Каракалпакстана 18:12:30, 07.03.2021
Хош келипсиз! | RSS
Сайт мазмуны

Кириў усылы

ОРЫМҒА ЖУМЫЛА КИРИСКЕН ФЕРМЕР

«Бақаншақлы» аўыл пуқаралар жыйыны аймағындағы фермерлер 987 гектар майданға гүзлик бийдай туқымын сеўип, бир тегис нәл алыўға еристи. Усы өнип шыққан бийдайларға агротехникалық тәрбия жумыслары жүргизилиўи нәтийжесинде бүгинги күнге келип атызда мол өним топланды.

Әйне күнлери фермер хожалықларында ғәлле орым-жы­йыны жумыслары қызғын алып барылмақта. Әсиресе, бул жумысқа аймақтағы Мүбәрек Абдиразақов басқарған «Ана жер» фермер хожалығында жақсы жолға қойылған. Атап айтқанда, атыз басында комбайншылар менен жумысшылардың өнимли ҳәм үзликсиз мийнет етиўи ушын ыссы аўқат, сондай-ақ, дем алыў орынлары шөлкемлестирилип, ис ҳақылары өз ўақтында берип барылмақта. Усындай хошаметлеў ҳәм қоллап-қуўатлаў нәтийжесинде хожалық ағзалары өзлерине белгиленген режени қысқа мүддет ишинде орынлап шығыўға еристи. Еле атызларда зүрәәт мол. Ҳәзирги ўақытлары дийқанлардың маңлай терлери менен жетистирилген өнимниң бир грамын да сепситпестен жыйнап алыў ушын мийнет етпекте.

А.ОРАЗОВ,

арнаўлы хабаршымыз.

Нөкис районы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF