Еркин Қарақалпақстан Вести Каракалпакстана 22:26:46, 11.11.2019
Хош келипсиз! | RSS
Сайт мазмуны

Кириў усылы

НАЎАЙЫДАҒЫ   ТАБЫСЛАР

Хабарыңыз болса, Жиззақта болып өткен «Бәркамал әўлад — 2017» спорт жарысларында қарақалпақстанлы жүзиўшилер мүнәсип тәризде қатнасып, республикамыз командасының жоқары орынларды ийелеўине салмақлы үлес қосқан еди. Бул спортшылар Жиззақтан келгеннен кейин азғана дем алып, Наўайы қаласына жөнеп кетти. Себеби, жарыслар кестесине муўапық, бул қалада гезектеги Өзбекистан ашық чемпионатын өткериў режелестирилген еди.

Соны айрықша атап өтиўимиз тийис, жүзиўшилеримиздиң Наўайыда ерискен табыслары Жиззақтағыдан артық болса болды-дә, бирақ, кем болмады. 1998-жылы туўылған ҳәм оннан үлкен жастағылар арасында Марджина Оразымбетова баттерфляй усылында 200 метр аралыққа жүзиўде биринши орынды ийелеген болса, оның бул табысын усы усылда 100 метрге жүзген Ақжарқын Шәрибаева да қайталады. Сондай-ақ, 1999-2000-жылларда туўылған спортшылар арасында Айгүл Мырзағулова (200 метр, баттерфляй) ҳәм Арман Сапарбаев (200 метр, комплекс усыл) лар да финиш сызығына биринши жетип келип, Өзбекистан чемпионы атанды. Дыққат­қа ылайықлы жери, бул спортшылардың барлығы елимизде жаратылған жеңилликлерге муўапық, жоқары оқыў орынларына тест сынақларысыз кириў ҳуқықын қолға киргизди.

Сайланды командамыз ағзасы Әдилбек Юсупбаев болса 50, 100 ҳәм 200 метрге шалқаға жатып жүзиўде үш алтын медальды жеңип алды.

Наўайыда және бир жүзиў шеберимиз Бийбигүл Меңлибаева 200 метрге брасс усылында жүзиўде гүмис медальға ийелик етти.

Спортшыларымыздың бундай жоқары табысларында олардың устазы, жүзиў бойынша Қарақалпақстан сайланды командасының аға тренери Руслан Ильясовтың хызметлерин айрықша атап өтиўимиз тийис.

С.ЖАНИЕВ.

СҮЎРЕТТЕ: чемпионат жеңимпазлары болған

қарақалпақстанлы қызлар.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF