Еркин Қарақалпақстан Вести Каракалпакстана 14:04:35, 21.04.2021
Хош келипсиз! | RSS
Сайт мазмуны

Кириў усылы

ШЫМБАЙЛЫ ЖАСЛАРДЫҢ БАХЫТ ТОЙЛАРЫ

Шымбай районы орайындағы «Әзиза» тойханасында 19 келин-күйеўдиң неке тойлары өткерилди.

Быйылғы «Халық пенен пикирлесиў ҳәм инсан мәплери жылы» Мәмлекетлик бағдарламасының орынланыўын тәмийинлеў, халқымызға тән ийгиликли ислердиң көлемин кеңейтиў, инсан мәплерин қорғаў мақсетинде Өзбекистан Кәсиплик аўқамлары федерациясы, Қарақалпақстан Республикасы Жоқарғы Кеңеси, республикалық ҳаял-қызлар комитети, Шымбай районы ҳәкимлиги, сондай-ақ, бир қатар шөлкемлердиң биргеликте өткерген салтанатлы илажға келин-күйеўлердиң ата-аналары, туўған-туўысқанлары, өзин-өзи басқарыў уйымларының белсендилери, мийнет ветеранлары, кең жәмийетшилик ўәкиллери қатнасты.

– Бүгин мәмлекетимиз тәрепинен бизлердиң бахыт тойымыздың үлкен салтанат пенен өткерилип атырғанынан жүдә қуўанышлымыз ҳәм бахытлымыз, - дейди райондағы «Жипек жолы» мәкан пуқаралар жыйынының турғынлары Турдыбай Алланиязов ҳәм Дәметгүл Қуўандыкова. – Елимизде кем тәмиийнленген шаңарақларға, әсиресе, биздей жас шаңарақларға көрсетилип атырған айрықша итибар ҳәм ғамқорлықтан кеўиллеримиз көкке жетти. Әлбетте, бул ушын усындай илажларды шөлкемлестирип атырғанларға шын-жүректен миннетдаршылық билдиремиз.

Илажда келин-күйеўлерге мебельлердиң сертификатлары, сондай-ақ, қәўендер мәкемелердиң баҳалы саўғалары салтанатлы түрде тапсырылды.

Жақсылыққа бағдарланған қойырқомлық илажы пуқаралардың кеўиллерин толып-тастырып, оларға қуўаныш ҳәм шадлық бағышлады. Ең әҳмийетлиси Ўатанласларымыздың қәлбине мийрим-шәпәәт, сақыйлық пазыйлетлерин инам етип, оларда ертеңги күнге деген исенимди беккемлеўге хызмет етпекте.

Илажда Қарақалпақстан Республикасы Кәсиплик аўқамлары шөлкемлери бирлеспеси Кеңесиниң баслығы У.Жәлменов, Өзбекистан Кәсиплик аўқамлары Федерациясы Кеңесиниң ўәкили Х. Шарипов, «Камолот» ЖЖҲ Қарақалпақстан Республикалық Кеңесиниң баслығы А.Дәнияров, Шымбай районы ҳәкими Ө.Қазақбаев  шығып сөйлеп жас-жубайларға бахыт, беккем денсаўлық тиледи.

Н.РЕЙПНАЗАРОВ,

Қарақалпақстан хабар агентлигиниң хабаршысы

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF