Еркин Қарақалпақстан Вести Каракалпакстана 17:24:55, 07.03.2021
Хош келипсиз! | RSS
Сайт мазмуны

Кириў усылы

КАМЕРАЛ ҚАДАҒАЛАЎ НӘТИЙЖЕСИ

Өзбекистан Республикасы Бас прокуратурасы жанындағы салық, валютаға байланыслы жынаятларға ҳәм жынайый дәраматларды легалластырыўға қарсы гүресиў Департаментиниң Қарақалпақстан Республикасы басқармасы тәрепинен Өзбекистан Республикасы Президентиниң тараў жумысларын жетилистириў ис-илажлары ҳаққында»ғы қарарлары талапларының орынланыўын тәмийинлеў бағдарында кең көлемли илажлар әмелге асырылмақта.

Атап айтқанда, басқарма ҳәм оның аймақлық бөлимлери тәрепинен 2016-жыл даўамында белгиленген салықлар ҳәм басқа да мәжбүрий төлемлерди төлеўден бас тартыўда, пайданы (дәраматты) ямаса салық салынатуғын басқа да объектлерди қасттан жасырыўда, кемейтип көрсетиўде гүман етилип атырған хожалық жүргизиўши субъектлер анықланып, олардың финанс хожалық жумысларына араласпай, салық уйымлары ҳәм басқа да тийисли мәкемелер менен биргеликте олар тәрепинен мәмлекетлик салық хызмети уйымларына усынылатуғын салық есабаты ҳүжжетлерин үйрениўлер шөлкемлестирилди.

Буның нәтийжесинде быйылғы жылда аймақлық бөлимлер тәрепинен салық уйымларына 117 ҳалатта 11 млрд. 216 млн. 400 мың сумлық салықлар ҳәм басқа да мәжбүрий төлемлерди төлеўден бас тартыўда, пайданы (дәраматты) ямаса салық салынатуғын басқа да объектлерди қасттан жасырыўда ҳәм кемейтип көрсетиўде гүман етилип атырған хожалық жүргизиўши субъектлер ҳаққында мағлыўматлар жиберилип, Өзбекистан Республикасы Салық кодексиниң 70-статья­сы талаплары тийкарында усы хожалық жүргизиўши субъектлер бойынша камерал қадағалаўды әмелге асырыў усыныс етилди.

2016-жыл даўамында Өзбекистан Республикасы Салық кодексиниң 70-статья­сы талаплары тийкарында хожалық жүргизиўши субъектлер бойынша камерал қадағалаўдың әмелге асырылыўы нәтийжесинде жәми 13 млрд. 614 млн. 500 мың сумлық салықлар есапланып, соннан 9 млрд. 367 млн. 600 мың сумлық салық өндирилди.

Жоқарыда әмелге асырыл­ған жумыслар нәтийжесинде хожалық жүргизиўши субъектлер тәрепинен исбилерменлик ҳәрекетлери бо­йынша ҳуқықбузарлыққа жол қойыў жағдайлары сапластырылмақта. Бул бағдарда басқарма ҳәм оның аймақлық бөлимлери тәрепинен мәмлекетлик салық уйы­мы хызметкерлери менен биргеликтеги илажлар алдағы ўақытлары да даўам ете береди.

К.ШИРИНОВ,

Департаменттиң Қарақалпақстан Республикасы басқармасы ҳүжжетли тексериўлер бөлими тексериўшиси.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF