Еркин Қарақалпақстан Вести Каракалпакстана 11:49:15, 07.03.2021
Хош келипсиз! | RSS
Сайт мазмуны

Кириў усылы

ЖАСЛАР КЕЛЕШЕГИНЕ БИЙПӘРЎА БОЛМАЙЫҚ

XXI әсирдиң глобал тәшўишлериниң бири бол­ған терроризм, диний экстремизм, сепаратизм, «ғалабалық мәденият» деп аталыўшы, миллий менталитетимизге сай болмаған иллетлер, пүткил дүньяда инсан аңы ҳәм сана-сезимин ийелеўге ҳәрекет етпекте.

Бундай тәшўишлерди қандай жоллар менен сапластырыўымыз ҳәм де үзил-кесил тамамлаўымыз мүмкин. Тәшўиштиң шешими сыпатында соны айтыў мүмкин, алдын-ала жаслардың бос ўақытларын мазмунлы өткизиўлеринде олар­ға турақлы ҳәм де нәтийжели системаны жаратыўымыз керек. Әлбетте, бул система шаңарақтан, яғный, ата-ана, мәҳәлле, мектеп ҳәм колледжлер менен шекленип қалмастан, ал, ҳәмме тараўларды белсендиликке жәмлестиреди.

Усы орында бажыхана уйымында да бирқанша жумыслар әмелге асырылмақта. Соны айтып өтиў керек, Өзбекистан Республикасы бажыхана шегарасын кесип өтиўде жасларымыз тәрепинен билип-билмес жағдайларда диний ҳәм де порно­графиялық мазмундағы материалларды алып келиў жағдайлары елеге дейин ушыраспақта. Бундай жағдайлар инсан аңы ҳәм сана-сезимин, жәмийет ой-пикирлерин зәҳәрлеўши, миллий дәстүрлеримизге кери тәсир етиўши, әдеп-икрамлылықты бузыўшы жеркенишли иллет болып табылады.

Сол мақсетте, бажыхана уйымлары тәрепинен усындай унамсыз жағдайларға бажыхана шегарасының өзинде шек қойыў, пуқараларымызға түсиник жумысларын алып барыў менен шекленип қалмай, мәҳәллелер, мектеп ҳәм колледж­лер жәмәәтлери менен биргеликте үгит-нәсият, түсиндириў жумыслары алып барылмақта.

Ғалаба хабар қураллары, радио-телевидение арқалы диний ҳәм де порнографиялық мазмундағы материаллардың унамсыз тәсирлери ҳаққында қатаң түрдеги көрсетпелер, бажыхана уйым­лары тәрепинен таярланып, жеткерилмекте. Усындай иллетлерди түп-тамыры менен жоқ етиўдиң баслы усылы, жәмийетшилигимиз бийпәрўа болмастан, биргеликте усы миллет тәғдирине қаратылған иллетлерге қарсы гүресиў лазым.

Усы орында исеним менен айтыўымыз керек, әййемги мәдений мийрасларымыздан бири болған Заро­астризмниң муқаддес китабы «Авесто»да — алға сүрилген «жақсы нийет, жақсы пикир, жақсы ис» деген түсиникке әмел еткенде ғана биз, әлбетте, азат ҳәм абат Ўатан, еркин ҳәм пәраўан турмыс кеширемиз.

Е.СЕРЖАНОВ,

«Хожели» шегара бажыхана посты инспекторы, бажыхана хызмети аға лейтенанты.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF