Еркин Қарақалпақстан Вести Каракалпакстана 17:26:25, 07.03.2021
Хош келипсиз! | RSS
Сайт мазмуны

Кириў усылы

Өзбекистан Республикасы ПрезидентиниҢ «2017-2021-жылларда кӨп квартиралы тураҚ жай фондын саҚлаЎ ҲӘМ оннан пайдаланыЎ системасын буннан былай да жетилистириЎ илажлары ҲаҚҚында»Ғы Қарарына ТҮСИНИК

Көп квартиралы турақ жай фондының техникалық жағдайын түп-тийкарынан жақсылаў ҳәм оннан нәтийжели пайдаланыў, оңлаў-тиклеў жумысларын өз ўақтында әмелге асырыў, сондай-ақ, көп  квартиралы жайларға тутас аймақларда тазалықты сақлаў ҳәм оларды абаданластырыў бундай үйлерде жасайтуғын халық ушын қолайлы шараятлар жаратыўда әҳмийетли турмыслық факторлардан бири болып табылады.

Бүгинги күнде елимизде структуралық реформалардың беккем нормативлик-ҳуқықый базаға сүйенген ҳалда, избе-из әмелге асырылып атырғаны турақ жай фондын басқарыўдың ҳәм оннан пайдаланыўдың улыўма жаңа системасын шөлкемлестириў имканиятын бермекте.

Кейинги 5 жылда жеке турақ жай мүлк ийелери ширкетлериниң жумысын жетилистириў, көп квартиралы турақ жай фондын капитал ҳәм ағымдағы оңлаў бойынша қабыл етилген қарарлар тийкарында көп квартиралы жайлардың төбеси, подвал объектлери, фасад, подъезд, лифт ҳәм ирригация тармақлары, сондай-ақ, жолларды бетонластырыў және турақ жайлар әтирапындағы аймақларды абаданластырыў ҳәм көклемзарластырыў мәселелерин өз ишине алған комплексли илажлар әмелге асырылды.

Ҳәзирги ўақытта елимизде 4 мыңнан аслам жеке турақ жай мүлк ийелери ширкети тәрепинен 32,4 мыңнан зыят көп квартиралы жайларға хызмет көрсетилмекте.

Соның менен бирге, усы тармақта алып барылып атырған жумыслардың талқылан­ғанда жеке турақ жай мүлк ийелелериниң көп квартиралы турақ жай фондын сақлаў, оннан пайдаланыў ҳәм оңлаў бағдарындағы жумысында шешилмеген бир қатар машқалалардың бар екенлигин көрсетпекте.

Бул туўралы сөз болғанда, бәринен бурын, көп квартиралы турақ жай фондын басқарыўда ҳәм оннан пайдаланыўда орынлардағы атқарыўшы ҳәкимият уйымлары менен жеке турақ жай мүлк ийелери ширкетлериниң арасында комплексли қатнастың және өз-ара бирге ислесиў механизминиң қәлиплеспегенин атап өтиў зәрүр.

Көп квартиралы турақ жай фондын сақлаў бағдарында тәсиршең қадағалаў орнатылмаған, көпшилик жағдайларда оннан техникалық пайдаланыў ҳәм халықтың қәўипсиз жасаўын тәмийинлеў бағдарындағы нормалар менен талаплардың бузылыўына жол қойылмақта. Көп квартиралы жайларда оңлаў-тиклеў жумысларын өткериўдиң қағыйдаларына ҳәм мүддетлерине әмел етилмей атыр, бул болса, тәбийғый түрде халықтың ҳақылы наразылығына себеп болмақта.

Өзбекистан Республикасы Президентиниң «2017-2021-жылларда көп квартиралы турақ жай фондын сақлаў ҳәм оннан пайдаланыў системасын буннан былай да жетилистириў илажлары ҳаққында»ғы қарары көп квартиралы турақ жай фондының техникалық жағдайын түп-тийкарынан жақсылаў ҳәм оннан ақылға уғрас пайдаланыў, оңлаў-тиклеў жумысларын белгиленген мүддетлерде әмелге асырыў, сондай-ақ, көп  квартиралы жайларға тутас аймақларды бунан былай да абаданластырыў ушын зәрүрли шараят жаратыў мақсетинде қабыл етилди.

Қарарда көп квартиралы турақ жай фондын сақлаў ҳәм оннан пайдаланыў сис­темасын шөлкемлестириўдиң тийкарғы бағдарлары белгиленген болып, олар төмендегилерди нәзерде тутады:

халықтың турақ жай шараятын жақсылаў, көп квартиралы жайларда жайласқан квартиралардағы инженерлик-коммуникация системасы ҳәм улыўмалық түрде пайдаланылатуғын инфраструктураларды өз ўақтында ҳәм сапалы оңлаў, сондай-ақ, көп квартиралы турақ жай фондына тутас аймақларды абаданластырыў, ол жерлерде балалар ҳәм спорт майданшаларын қурыўға қаратылған илажларды әмелге асырыў;

көп квартиралы турақ жай фондынан пайдаланыў ҳәм оған хызмет көрсетиў базарын раўажландырыў имканиятын беретуғын турақ жай коммуналлық хожалығын басқарыўдың тәсиршең вертикал системасын жаратыў бойынша комплексли илажларды әмелге асырыў;

турақ жай коммуналлық саласы шөлкемлериниң, атап айтқанда, оңлаў-тиклеў хызметлериниң материаллық-техникалық базасын жаратыў ҳәм беккемлеў, оларды заманагөй үскенелер ҳәм жоқары маманлықтағы қәнигелер менен тәмийинлеў.

Қарарға муўапық 2017-2021-жылларда көп квартиралы турақ жай фондын оңлаў, абаданластырыў ҳәм оннан пайдаланыў шараятларын жақсылаў бағдарламасы  тастыйықланды. Усы Бағдарламада көп квартиралы турақ жай фондының улыўмалық түрде пайдаланылатуғын инфраструктураларын капитал ҳәм ағымдағы оңлаў, аймақларды абаданластырыў, лифт үскенелерин оңлаў ҳәм алмастырыў, сондай-ақ, көп квартиралы турақ жай фондын сақлаў, оннан пайдаланыў ҳәм оңлаў системасын жетилистириўге байланыслы комплексли илажлар белгиленди.

Атап өтилген жойбарларды әмелге асырыў ушын жеке турақ жай мүлк ийелери ширкетлериниң өз қаржылары, коммер­циялық банклердиң кредитлери, Қарақалпақстан Республикасының республикалық бюджети, ўәлаятлар ҳәм Ташкент қаласы жергиликли бюджетлериниң қаржылары, Өзбекистан Республикасы Турақ жай коммуналлық хызмет көрсетиў министрлигиниң Турақ жай коммуналлық хожалығын раўажландырыў қорының қаржылары, халықаралық қаржы институтларының кредитлери, сондай-ақ, лизинг есабынан 1,8 триллион сум қаржы жумсаў нәзерде тутылмақта.

Усы Бағдарламаны әмелге асырыўда «Өзсанаатқурылысбанк» акционерлик коммерциялық банки турақ жай коммуналлық саласына қараслы шөлкемлерди қаржыландырыўды тәмийинлейтуғын ўәкилликли банк етип белгиленди.

Бағдарламаны әмелге асырыў шеңберинде коммерциялық банклерге «Оңлаў-тиклеў хызмети» мәмлекетлик унитар кәрханасы ҳәм жеке турақ жай мүлк ийелери ширкетлерине жеңиллетилген кредитлер ажыратыў усыныс етилди.

Сондай-ақ, усы қарарда Өзбекистан Республикасы Турақ жай коммуналлық хызмет көрсетиў министрлиги жанында жеке турақ жай мүлк ийелериниң ширкетлерине шәртнама тийкарында бухгалтерия­лық есап-санағын жүргизиў, консалтинг хызметлер көрсетиў ҳәм жеке турақ жай мүлк ийелери ширкетлеринен мәжбүрий төлемлер жыйнаў хызметлерин көрсететуғын  «Бирден-бир есап-санақ орайы» ҳәм қала және районларда оның филиалларын шөлкемлестириў нәзерде тутылған.

Қарар менен усындай тәртип орнатылмақта, оған бола:

көп квартиралы турақ жай фонды улыўмалық мүлк ҳәм оған тутас аймақларды сақлаў ушын турақ жай ҳәм турақ жай емес жай имаратлар мүлк ийелериниң мәжбүрий төлемлериниң муғдары Өзбекистан Республикасы Турақ жай коммуналлық хызмет көрсетиў министрлиги ҳәр жылы тастыйықлайтуғын ең төмен муғдардан кем болмаған көлемде жеке турақ жай мүлк ийелери ширкетлери тәрепинен белгиленеди;

жеке турақ жай мүлк ийелери ширкети басқармасының баслығы «Коммунал­ўқув» оқыў-методикалық орайы» мәмлекетлик унитар кәрханасында оқығаны ҳаққында тийисли сертификатқа ийе болған жағдайда, районлық (қалалық) турақ жай коммуналлық хызмет көрсетиў бөлиминиң баслығы менен келисе отырып сайланады, сондай-ақ, жеке турақ жай мүлк ийелери ширкетлери ағзаларының улыўмалық мәжилиси қарары тийкарында районлық (қалалық) турақ жай коммуналлық хызмет көрсетиў бөлими баслығының усынысына бола лаўазымынан азат етиледи.

Қарардың әмелге асырылыўы төмендеги нәтийжелерге ерисиў имканиятын береди:

бириншиден, бул қарар көп квартиралы турақ жай фондының техникалық жағдайын ҳәм оннан мақсетке муўапық түрде пайдаланыўды түп-тийкарынан жақсылаў, оңлаў-тиклеў жумысларын өз ўақтында өткериў;

екиншиден, халықтың раўажланған инфраструктураға ийе болған көп квар­тиралы турақ жай фондында жасаўы ушын ҳәр тәреплеме қолайлы шараятлар жаратыў;

үшиншиден, көп квартиралы турақ жай фондын басқарыўда ҳәм оннан пайдаланыўда орынлардағы атқарыўшы ҳәкимият уйымлары ҳәм жеке турақ жай мүлк ийелери ширкетлериниң өз-ара биргеликте ислеўин тәмийинлейди.

Өзбекистан Республикасы ПрезидентиниҢ «2017-2021-жылларда кӨп квартиралы тураҚ жай фондын саҚлаЎ

ҲӘМ оннан пайдаланыЎ системасын буннан былай да жетилистириЎ илажлары ҲаҚҚында»Ғы Қарарына ТҮСИНИК

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF