Еркин Қарақалпақстан Вести Каракалпакстана 18:53:36, 02.07.2020
Хош келипсиз! | RSS
Сайт мазмуны

Кириў усылы

ФИНАЛЛЫҚ БАСҚЫШҚА ЖОЛЛАМА АЛДЫ

Быйыл Жиззақ ўәлаятында болып өтетуғын «Бәркамал әўлад — 2017» спорт ойын­лары бағдарламасынан орын алған  қол тобы бо­йынша жарыслардың таңлап алыў басқышында Ташкент қаласының, барлық ўәлаятлардың ҳәм республикамыз командалары финаллық бас­қышқа берилетуғын  жоллама ушын  өз-ара беллести.

Бердақ атындағы Қарақалпақ мәмлекетлик университетиниң спорт сара­йында ер балалар арасында өткерилген жарыста Ташкент қаласы, Әндижан, Жиззақ ўәлаятлары командалары өз топарларында биринши орынды ийеледи. Соңғы жоллама ушын майданға түскен Самарқанд ўәлаяты ҳәм республикамыз командаларының ойыны кескин жағдайда өтти. Көп санлы жанкүйерлердиң исенимин ақлаўға ҳәрекет еткен командамыз ойын ақырында 21:20 есабында жеңиске ерис­ти. Солай етип, ер балалар арасында Ташкент қаласы, Әндижан, Жиззақ ўәлаятлары ҳәм республикамыз командалары «Бәркамал әўлад — 2017» спорт жарысларының финаллық бас­қышына жолламаны қолға киргизди.

Пайтахтымыздағы республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектебинде қызлар арасында өткерилген жарыс­та республикамыз командасы жақсы ойын көрсеткен болса да, соңғы турда Қашқадәрья ўәлаяты командасынан  29:28 жеңилип қалды.  Солай етип, қызлар арасында финаллық бас­қышқа жолламаны Самарқанд, Әндижан, Наманган ўәлаятларының командалары жеңип алды.

— Таңлап алыў басқышы шөлкемлескенлик жағдайында өтти,-дейди жарыс­тың бас төрешиси Мидихат Бикметов. — Бул ушын республика басшыларына, шөл­кемлестириў комитети ағзаларына миннетдаршылық билдиремиз. Қызлар арасында өткерилген жарыс­та Қарақалпақстан Республикасы, Әндижан, Самарқанд ўәлаятлары командаларының ойынлары жанкүйерлерде айрықша тәсир қалдырды.

Д.АБИБУЛЛАЕВ,

Қарақалпақстан хабар агентлигиниң хабаршысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF