Еркин Қарақалпақстан Вести Каракалпакстана 15:59:47, 24.09.2020
Хош келипсиз! | RSS
Сайт мазмуны

Кириў усылы

ХАЛЫҚ ПИКИРИ ӘДАЛАТЛЫ БОЛЫЎДЫ ТАЛАП ЕТЕДИ

Пайтахтымызда Өзбекистан «Адолат» социал-демократиялық партиясы Қарақалпақстан Республикалық Кеңеси тәрепинен Қарақалпақстан Республикасы Әдиллик министрлиги ҳәм Өзбекистан Республикасы Президентиниң Қарақалпақстан Республикасындағы Халық Қабыллаўханасының жуўапкер хызметкерлериниң қатнасыўында «Өзбекистан «Адолат» СДП системасында физикалық ҳәм юридикалық шахслардың мүрәжатлары менен ислесиў тәртиби» темасында оқыў-семинары болып өтти.

Оған Қарақалпақстан Республикасы Жоқарғы Кеңесиниң, халық депутатлары қалалық, районлық Кеңеслердиң депутатлары, партия белсендилери, ғалаба хабар қуралларының хызметкерлери қатнасты.

Илажды партияның Қарақалпақстан Республикалық Кеңеси баслығының орынбасары Р.Отарбаев алып барды.

Семинарда Қарақалпақстан Республикасы Әдиллик министрлигиниң ҳуқықый үгит-нәсият ҳәм мәлимлеме бөлиминиң баслығы Е.Утениязов, Өзбекистан Республикасы Президентиниң Қарақалпақстан Республикасындағы Халық Қабыллаўханасының жетекши қәнигеси Р.Айтмуратов ҳәм басқалар шығып сөйлеп, физикалық ҳәм юридикалық шахслардың мүрәжатларын көрип шығыўдың нызамлы тийкарлары, «Адолат» СДП системасында олардың жазба, аўызеки, электрон мүрәжатлары менен ислесиў тәртиби туўралы кең түрде түсиник берип өтти.

Атап өтилгениндей, бүгинги күнде елимизде ҳуқықый демократиялық мәмлекет, әдил пуқаралық жәмийетин қурыў бағдарында кең көлемли реформалар әмелге асырылмақта. Ең тийкар­ғысы, усы бағдардағы жумыслардың нәтийжелилигин буннан былай да арттырыўда елимизде ҳәрекет етип туған сиясий партиялардың орны айрықша әҳмийетке ийе болмақта. Усы жылдың өткен айлары ишинде партияның Қарақалпақстан аймақлық Кеңеси ҳәм барлық қалалық ҳәм ра­йонлық Кеңеслеринде «Әдалат қабыллаўханалары» шөлкемлестирилди. Сондай-ақ, Өзбекистан Республикасының «Физикалық ҳәм юридикалық шахслардың мүрәжатлары ҳаққында»ғы Нызамы тийкарында партия сис­темасында физикалық ҳәм юридикалық шахслардың мүрәжатлары менен нәтийжели ислесиўди жолға қойыў мақсетинде, Өзбекистан «Адолат» СДП системасында физикалық ҳәм юридикалық шахслардың мүрәжатлары ҳаққында»ғы реже ислеп шығылды ҳәм сол тийкарында мүрәжатлар менен ислесиў тәртиплери белгилеп берилди.

Оқыў-семинарында қатнасыўшыларға партияның Қарақалпақстан Республикалық Кеңеси, барлық қалалық ҳәм районлық Кеңеслеринде шөлкемлестирилген «Әдалат қабыллаўханалары»нда жумыс алып барыўдың ҳуқықый тәртиплери ҳәм мәденияты, мүрәжатларды көрип шығыўдың механизмлери туўралы мағлыўматлар берилди.

Семинар қатнасыўшылары өзлерин қызықтырған сораўларға жуўап алды.

Қарақалпақстан  хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF