Еркин Қарақалпақстан Вести Каракалпакстана 18:24:27, 02.07.2020
Хош келипсиз! | RSS
Сайт мазмуны

Кириў усылы

ТИЛ ҮЙРЕТИЎДЕ МЕТОДИКАНЫҢ ӘҲМИЙЕТИ

Ҳәзирги күнде шет тиллерин үйрениўге болған талап барған са­йын күшеймекте. Барлық билимлендириў мәкемелеринде шет тили сабақ бағдарламалары улыўма Европалық системаға тийкарланып, жетилистирилди. Алдын шет тиллерин үйрениў ушын оның грамматикасын жақсы билиў үлкен әҳмийетке ийе болса, ал, ҳәзирги күнде 4 қәбилет, яғный, сөйлеў, жазыў, оқыў ҳәм тыңлап түсиниў бойынша жумыс алып барыў ҳәм оларды бирге раўажландырыў талап етиледи. Бул нәрселер айырым оқыўшыларға қы­йыншылық туўдырады. Себеби, бир ўақыттың өзинде басқа тилди үйрениў дәрежелери ҳәм қабыл етиўи тек терең билимди емес, соның менен бирге, оқытыўшының жеткерип бериў шеберлиги зәрүр.

Мен өзимниң бир неше жыллық тәжирийбемнен келип шығып сабақ барысында билим дәрежелери ҳәр түрли болған оқыўшылар менен күтилген нәтийжеге қалай ерискенимди сизлер менен бөлисиўди мақул көрдим. Оқытыў барысында инглис тили дөгерегинде методикалық қолланбалардан, журналлардан, Британия Кеңеси электрон мағлыўматларынан жәрдемши материаллар сыпатында пайдаланаман.

Кишкене топарларда билим дәрежеси ҳәр түрли оқыўшылар болады ҳәм усындай ўақытта олар тапсырмаларды орынлаўда бир-бирин қоллап-қуўатлап, биргеликте ислесиўге ҳәрекет етеди. Усындай усыллар жақсы нәтийжелер береди.  Сондай-ақ, сабақ барысында жаңа мағлыўматты өзлестириў қәбилетине де итибар беремен. Айырым оқыўшылардың тыңлап түсиниў қәбилети күшли болса, айырымлары көргизбе қураллар жәрдеминде жақсы өзлес­тиреди. Соның ушын, ҳәр бир сабақта аудио материаллардан пайдаланаман ҳәм оқыўшыларға диалогларды рольге кирип атқарыўына имканият жаратаман.

Сабақ барысында заманагөй технологиядан пайдаланыў жақсы нәтийже береди. Ҳәр бир оқытыўшы өзиниң заманагөй оқытыў усылына ийе болса, оқыўшылар да өз билимлерин беккемлеп барады.

А.САДИРОВА,

НМПИ жанындағы 1-санлы академиялық лицейдиң инглис тили пәни оқытыўшысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF