Еркин Қарақалпақстан Вести Каракалпакстана 20:59:16, 02.07.2020
Хош келипсиз! | RSS
Сайт мазмуны

Кириў усылы

ҲӘРЕКЕТЛЕР СТРАТЕГИЯСЫ ҲӘМ ҒАЛАБА ХАБАР ҚУРАЛЛАРЫ

Жақында пайтахтымызда Өзбекистан бийғәрез баспа ғалаба хабар қураллары ҳәм мәлимлеме агентликлерин қоллап-қуўатлаў ҳәм раўажландырыў жәмийетлик фонды тәрепинен «2017-2021-жылларда Өзбекистан Республикасын раўажландырыўдың тийкарғы бес бағдары бойынша Ҳәрекетлер стратегиясын «Халық пенен пикирлесиў ҳәм инсан мәплери жылы»нда әмелге асырыўға байланыслы Мәмлекетлик бағдарламаның орынланыўы үстинен кең жәмийетшилик қадағалаўын орнатыўда ғалаба хабар қуралларының роли» атамасында семинар-тренинг болып өтти.

Оған мәмлекетлик уйымлардың ўәкиллери ҳәм барлық баспа ғалаба хабар қуралларының хызметкерлери қатнасты.

Илажды Қарақалпақстан Республикасы Министрлер Кеңесиниң бас қәнигеси Е.Қанаатов алып барды. Семинарда  Қарақалпақстан Республикасы Әдиллик министрлигиниң бөлим баслығы Е.Өтениязов, Қарақалпақ мәмлекетлик университети оқытыўшысы, профессор Г.Өтемуратова, Пуқаралық жәмийетиниң қәлиплесиўин мониторинг етиў бийғәрез институты Қарақалпақстан Республикасы бөлиминиң жетекши қәнигеси Б.Елманов ҳәм басқалар шығып сөйлеп, Ҳәрекетлер стратегиясында нәзерде тутылған ўазыйпалар, Өзбекистан Республикасын раўажландырыўдың тийкарғы бағдарлары бойынша түсиниклер берди.

Семинарды өткериўден гөзленген тийкарғы мақсет ­ Өзбекистан Республикасы Президенти Ш.Мирзиёевтиң усы жыл 7-февральдағы «Өзбекистан Республикасын буннан былай да раўажландырыў бойынша Ҳәрекетлер стратегиясы ҳаққында»ғы Пәрманында белгиленген бағдарлар бойынша «Халық пенен пикирлесиў ҳәм инсан мәплери жылы»нда әмелге асырылыўы тийис ўазыйпалар, усы бағдарламаның орынланыўы үстинен жәмийетлик қадағалаўды орнатыўда ғалаба хабар қуралларының ролин арттырыў, бул мәселелерди жарытыўда тараў хызметкерлериниң кәсиплик билим ҳәм тәжирийбелерин байытыўдан ибарат.

Пикирлесиў тәризинде болып өткен семинарда Ҳәрекетлер стратегиясының мазмун-әҳмийетин кең жәмийетшиликке жеткериў ҳәм онда белгиленген ўазыйпаларды түсиндириўде ғалаба хабар қураллары алдында турған мәселелер талқыланып, усыныслар берилди. Илаж соңында қатнасыўшылар өзлерин қызықтырған сораўларға жуўап алды.

А.ОРАЗОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF