Еркин Қарақалпақстан Вести Каракалпакстана 18:52:39, 02.07.2020
Хош келипсиз! | RSS
Сайт мазмуны

Кириў усылы

МАҚСЕТ — ПУҚАРАЛАР ТЫНЫШЛЫҒЫН ТӘМИЙИНЛЕЎ

Президентимиз Ш.Мирзиёев тәрепинен быйылғы жылдың «Халық пенен пикирлесиў ҳәм инсан мәплери жылы» деп белгилениўи мүнәсибети менен жергиликли өзин-өзи басқарыў уйымларында, оқыў орынларында ҳәм мийнет жәмәәтлеринде халық пенен ушырасыўлар шөлкемлестирилип, оларда пуқараларды толғандырып жүрген мәселелер дөгерегинде кең түрде пикир алысыўлар болып өтпекте. Жақында усындай илажлардың бири пайтахтымыз Нөкис қаласындағы «Гүлзар» мәкан пуқаралар жыйынында шөл­кем­лестирилип, оны жыйын баслығы Р.Хожамуратов кирис сөз бенен ашты.

Ушырасыўда Нөкис қалалық ишки ислер бөлими жанындағы Қорғаў бөлими милиция батальоны командири, подполковник Ш.Зарипов Өзбекистан Республикасы Министрлер Кабинетиниң 2014-жыл 24-январьдағы 16-санлы қарары талапларын орынлаў бо­йынша әмелге асырылып атырған жумыслар, пуқаралардың тыныш-татыў турмысын ҳәм қәўипсизлигин тәмийинлеўде қорғаў хызметиниң абзаллығы, көп қабатлы үйлерге видеогүзетиў ҳәм кодлы қулып орнатыўдың пайдасы, түнги жөнелис­теги милиция хызметиниң атқаратуғын ўазыйпалары ҳаққында кең түрде түсиник берди.

Буннан соң Нөкис қалалық ИИБ ЖТСБ баслығы, капитан Р.Жолдасов, ҲААБ МТП профилактика инспекторы, лейтенант Э.Оразымбетов, жыйын турғыны Қ.Қасымов, МПЖ сақшысы М.Тилеўмуратов ҳәм басқалар сөзге шығып, жынаятшылық ҳәм ҳуқықбузарлықларға қарсы гүресиў, олардың алдын алыў, жаслар тәрбиясына күшли дыққат-итибар қаратыў бойынша өзлериниң пикир ҳәм усынысларын билдирди.

Жыйналыс соңында пуқараларды қызықтырған сораўларға жуўаплар қайтарылып, тийисли қарар қабыл етилди.

Қ.ОСПАНОВ,

Нөкис қалалық ИИБ жанындағы Қорғаў бөлими милиция батальоны 1-милиция отряды командири, аға лейтенант.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF