Еркин Қарақалпақстан Вести Каракалпакстана 16:48:45, 18.10.2017
Хош келипсиз! | RSS
Сайт мазмуны

Кириў усылы

ЖӘМИЙЕТЛИК КЕҢЕСТИҢ МӘЖИЛИСИ

Жақында Өзбекистан Республикасы Президентиниң 2017-жыл 24-январьдағы «Өзбекистан Республикасы Қураллы Күшлерин келешекте реформалаўға ҳәм раўажландырыўға қаратылған ўазыйпаларды әмелге асырыў бойынша илажлар Бағдарламасы ҳаққында»ғы қарарына муўапық дүзилген  Өзбекистан Республикасы Қорғаныў министрлиги жанындағы Жәмийетлик кеңестиң Қарақалпақстан Республикалық бөлиминиң  мәжилиси болып өтти.

Мәжилисти Қарақалпақстан Республикасы Минис­трлер Кеңесиниң Баслығы Қ.Сариев ашты ҳәм алып барды.

Илажда Өзбекистан Республикасы Қорғаныў минис­трлиги жанындағы Жәмийетлик кеңестиң баслығы И.Мирзалиев, Арқа-батыс әскерий округиниң сәркардасы Т.Иргашев ҳәм басқалар шығып сөйлеп, Кеңестиң мақсети ҳәм ўазыйпалары туўралы кең түрде сөз етти. Сондай-ақ, Президентимиздиң басшылығында елимизде турақлылықты, халқымыздың парахат турмысын тәмийинлеўге айрықша дыққат қаратылып атырғаны,  бул тараўдағы барлық структуралар сапа жағынан пүткиллей жаңа тийкарда қәлиплестирилгени атап өтилди.

Мәжилисте Кеңес баслығы ҳәм оның ағзаларының атқаратуғын жумыслары, әмелге асырылыўы зәрүр илажлар, «Өзбекистан Республикасы Қорғаныў минис­трлиги жанындағы Жәмийетлик кеңестиң аймақлық бөлимлери ҳаққында»ғы Реже ҳәм басқа да  ҳүжжетлердиң орынланыўын тәмийинлеў бойынша анық ўазыйпалар белгиленип, қатнасыўшылардың пикир-усыныслары тыңланды.

Илаж шеңберинде Жәмийетлик кеңестиң ағзалары Екинши жер жүзилик урыс қатнасыўшыларының ҳал-жағдайынан хабар алып, саўғалар тапсырды.

Илажда ғалаба хабар қураллары хызметкерлериниң сораўларына жуўап берилди.

М.ПИРНАЗАРОВА,

Қарақалпақстан хабар агентлигиниң хабаршысы.

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF