Еркин Қарақалпақстан Вести Каракалпакстана 16:52:20, 18.10.2017
Хош келипсиз! | RSS
Сайт мазмуны

Кириў усылы

ХАЛЫҚ СЕЙИЛЛЕРИНЕ МӘРҲӘМАТ!

Үлкемизде бәҳәр. Пасыллар гөззалы болған бул мәўсимниң кирип келиўи бәршеге жағымлы кейпият бағышлаў менен бирге ана-тәбиятқа жан енип, дөгерек-әтирап өзгеше түске бөленеди. Бәҳәрдиң ҳәммеге унайтуғын және бир өзгешелиги ­ ол байрамлар пасылы. Онда әзиз аналарымыз бенен апа-қарындасларымыздың байрамы менен Наўрыз әййямы көтериңки кейпиятта белгиленеди.

Өзбекистан Республикасы Президенти Ш.Мирзиёев усы жыл 28-февральда «2017-жылғы Наўрыз улыўмахалықлық байрамына таярлық көриў ҳәм оны өткериў ҳаққында»ғы қарарға қол қойған еди. Бул қарардың орынланыўын тәмийинлеў мақсетинде Қарақалпақстан Республикасы Министрлер Кеңеси тәрепинен республикамыз аймақларында өткерилетуғын улыўмахалықлық сейиллер ҳәм шөлкемлестириў-әмелий, мәдений илажлар Режеси ислеп шығылды.

Режеге муўапық, 17-март күни Кегейли районындағы Балалар спорт мектеби стадионында (саат 11.00-13.00), Қараөзек районындағы Балалар ҳәм жас өспиримлер спорт мектеби стадионында (саат 10.00-13.00), Қоңырат районындағы «Елабад» (саат 14.00-15.00) ҳәм «Қырыққыз» (саат 11.00-12.00) посёлкаларында, Тахтакөпир районындағы Балалар спорт мектеби стадионында (саат 11.00-13.00), 18-мартта Бердақ атындағы Қарақалпақ мәмлекетлик университетинде (саат 11.00-13.00), Қанлыкөл районындағы ҳәкимлик имараты алдындағы майданда (саат 11.00-12.30), Қоңырат районындағы Орайлық стадионда (саат 11.00-13.00), Төрткүл районы орайындағы «Жаслық» Мәденият ҳәм демалыс бағында (саат 11.00-13.00), Хожели районындағы Балалар спорт мектеби стадионында (саат 10.00-12.00) ҳәм Тақыятас қаласындағы Балалар спорт мектеби стадионында (саат 16.00-18.00) Шымбай районындағы «Шахтемир» орайлық стадионында (саат 11.00-13.00), Шоманай районындағы «Мамый» АПЖ аймағында (саат 11.00-13.00) ҳәм Елликқала районы Бостан қаласындағы ашық театрда (саат 11.00-13.00), 19-март  күни болса Әмиўдәрья районы Маңғыт қаласындағы Мәденият ҳәм демалыс бағында (саат 10.00-13.00), Беруний районы орайындағы ашық театрда (саат 16.00-18.00), Нөкис районындағы Балалар спорт мектеби стадионында (саат 09.30-12.30) байрам тамашалары ҳәм халық сейиллери болып өтеди.

Пайтахтымыз Нөкис қаласындағы байрам салтанатлары болса 21-март сәнесине белгиленген болып, қала турғынлары ҳәм мийманлар Әжинияз атындағы Нөкис мәмлекетлик педагогикалық институтында (саат 11.00-13.00), Савицкий атындағы Қарақалпақ мәмлекетлик көркем өнер музейи әтирапындағы майданда, «Истиқлол» балалар ҳәм мәденият демалыс бағында, «Жаслар» орайы ҳәм «Дослық» каналы бойында, Нөкис темир жол вокзалы майданында (саат 10.00-17.30) болып өтетуғын тамашалардың гүўасы болыўы мүмкин.

Сондай-ақ, Режеде белгиленгениндей, орынларда болып өтетуғын халық сейиллерине ҳәм байрам тамашаларына үгит-нәсият топарының ағзалары, белгили жазыўшы-шайырлар, көркем өнер шеберлери ҳәм халық ансамбльлери қатнасып, өзлериниң рәң-бәрең концерт бағларламаларын тамашагөйлердиң дыққатына усынады.

Байрам тамашаларына, халық сейиллерине мәрҳәмат, әзизлер!

С.ЖАНИЕВ.

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF