Еркин Қарақалпақстан Вести Каракалпакстана 23:24:03, 22.09.2019
Хош келипсиз! | RSS
Сайт мазмуны

Кириў усылы

ДӨРЕТИЎШИЛИК ҲӘМ ЖӘМЛЕСКЕНЛИКТИҢ ҮЛГИСИ

Республикамызда усы жыл 11-12 март күнлери болып өткен улыўмахалықлық қайырқомлық шембилик даўамында халқымыз және бир мәрте дөретиўшилик және жәмлескенликтиң ҳақыйқый үлгисин көрсетти.

Үлкемизге бәҳәр мәўсиминиң кирип келиўи менен абаданластырыў ҳәм көклемзарластырыў жумыслары басланады. Әсиресе, жасарыў ҳәм жаңаланыў әййямы болған улыўмахалықлық Наўрыз байрамын мүнәсип күтип алыў халқымыздың әзелден киятырған жақсы үрп-әдетлеринен бири есапланады.

Өзбекистан Республикасы Президентиниң усы жыл 28-февраль күнги «2017-жылғы Наўрыз улыўмахалықлық байрамына таярлық көриў ҳәм оны өткериў ҳаққында»ғы қарарын орынлаў мақсетинде барлық қала ҳәм районларда, аўыл ҳәм мәкан пуқаралар жыйынларында, мийнет жәмәәтлери менен оқыў орынларында таярлық жумыслары баслап жиберилди. Байрамға бағышланып еки күн даўамында өткерилген шембилик буның айқын дәлийли болып табылады.

«Мәҳәлле» қайырқомлық жәмийетлик фонды Қарақалпақстан Республикасы бөлиминен алынған мағлыўмат бойынша шембиликке жәми 1 миллион 350 мың 339 адам, соның ишинде, 850 мың 848 жас белсендилик пенен қатнасты. Еки күн даўамында  2454 гектар майдан тазаланып, 3836 тонна қурылыс және турмыс шығындыcы алып тасланды, соның менен бирге, 1459 километр аралықтағы жап-салма тазаланды.   Республикамыз бойынша 281 қойымшылық пенен 42 зыярат етиў орнында абаданластырыў жумыслары алып барылды.  Қатнасыўшылар тәрепинен 507603  саяманлы, 311762 мийўели терек, 381801 түрли гүл нәли отырғызылды. Бул жумысларға 872 дана техника қатнастырылды.

Шембилик даўамында бир қатар қайырқомлық илажлары да әмелге асырылды. Атап айтқанда,  1411 кем тәмийинленген шаңарақтың турақ жайы менен үй әтирапы тәртипке келтирилди. Буннан тысқары, 1364 жәрдемге мүтәж шаңарақтың,  747 майып және кекселердиң ҳал-жағдайынан хабар алынып, қайырқомлық жәрдеми көрсетилди. Улыўма халықлық Наўрыз байрамы алдынан қайырқомлық шембилиги Республикамыздың басқада қала ҳәм районларында шөлкемлескенлик пенен өткерилип, оған пуқараларымыз белсендилик пенен қатнасты.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF