Еркин Қарақалпақстан Вести Каракалпакстана 02:14:31, 17.09.2019
Хош келипсиз! | RSS
Сайт мазмуны

Кириў усылы

«УЛЛЫ МАҚСЕТЛЕРГЕ УМТЫЛЫЎШЫЛАР»

Быйылғы жылдың 12-январындағы Президентимиздиң «Китап өнимлерин басып шығарыў ҳәм тарқатыў сис­темасын раўажландырыў, китап оқыўды ҳәм китапқумарлық мәдения­тын арттырыў, және де үгит-нәсиятлаў бойынша комиссия дүзиў ҳаққында»ғы бийлигиниң қабыл етилиўи менен республикамыздың барлық оқыў орынларында жасларды китап оқыўға қызықтырыўға қаратылған илажлар әмелге асырылмақта.

Жақында Шымбай экономика колледжинде Кегейли, Қараөзек, Шымбай, Тахтакөпир районларының академиялық лицей ҳәм кәсип-өнер колледжлери оқыўшылары арасында «Уллы мақсетлерге умтылыўшылар» атамасында китапқумарлар жарысы өткерилди. Колледждиң мәлимлеме ресурс орайы китапқумарлар дөгерегиниң басшысы Клара Шылымбетова ҳәм алып барыўшы Мақсет Абдуллаевлардың шебер шөлкемлестириўшилиги нәтийжесинде жарыс әдалатлы ҳәм тәсирли өтти. Жарыста Шымбай академиялық лицейи ҳәм «Кеңес» аўыл хожалық кәсип-өнер колледжи оқыўшылары жеңимпаз деп табылды.

Бундай илажлар жаслардың китап оқыўға болған қызығыўшылығын арт­тырыўға тийкар жаратады.

Б.ЖОЛДАСБАЕВА.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF