Еркин Қарақалпақстан Вести Каракалпакстана 18:53:21, 22.09.2019
Хош келипсиз! | RSS
Сайт мазмуны

Кириў усылы

«ТЫНЫШЛЫҚ ҚӘДИРИ»

Әжинияз атындағы Нөкис мәмлекетлик педагогикалық институтында ҳуқықый демократиялық мәмлекет тийкарларын беккемлеў, социаллық-руўхый орталықты және де жақсылаў ҳәм жаслар арасында диний экстремизм иллетлерине қарсы гүресиў мәселелерине бағышланған «Тынышлық қәдири» атамасында ушырасыў болып өтти.

Кешеде Қарақалпақстан Республикасы Прокуратурасының Коррупцияға қарсы гүресиў бөлиминиң айрықша ўазыйпалар бо­йынша тергеўшиси Полат Бекниязов Өзбекистан Республикасы Президентиниң 2017-жыл 2-февраль күнги «Коррупцияға қарсы гүресиў ҳаққында»ғы Өзбекистан Республикасы Нызамының қағыйдаларын әмелге асырыў ис-илажлары ҳаққында»ғы қарарының әҳмийети ҳаққында, Муҳаммед ибн Ахмед ал-Беруний атындағы орта арнаўлы ислам билим журты қәнигеси Жумабек Искендеров «Ислам руўхыйлықты улығлаўшы дин», институттың руўхый-ағартыўшылық ислери бойынша проректоры Қ.Қадиров «Халықаралық диний экстремистик шөлкемлер ҳәм Аўғанстан машқаласы» атамасында баянат жасап, студент жаслардың қызықтырған сораўларына жуўаплар берди.

— Итибар берилсе, жаўыз күшлер биринши нәўбетте еле сана-сезими, дүньяқарасы толық қәлиплесип үлгермеген жасларды өз қатарына қосып алыўға талпынады ҳәм олардан қурал сыпатында пайдаланады, - дейди  Қ.Қадиров. — Сонлықтан жаслардың бос ўақытларынан нәтийжели пайдаланып, олардың китап пенен дос тутыныўын тәмийинлеўге, миллий ғәрезсизлик идеяларына садықлық руўхында тәрбиялаўға, үгит-нәсият жумысларын өз ўақтында алып барыўға айрықша итибар беремиз. Билимли, ертеңги күнге беккем исеним менен сергек болып жасайтуғын инсанды ҳеш қандай күш бағындыра алмайды...

Ушырасыў соңында «Қиёматга қолган қарз» фильминиң қойып берилиўи жаслардың ең тийкарғы байлығымыз — тынышлығымыздың қәдирине жетиўге ҳәм оны көз қарашығындай сақлаўға, қолда бар имка­нияттан үнемли пайдаланып, мәмлекетимиз, халқымыз ушын керекли инсан болып жетилисиўге шақырығы менен де әҳмийетли болды.

Н.МАМБЕТИРЗАЕВА.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF