Еркин Қарақалпақстан Вести Каракалпакстана 18:08:06, 22.09.2019
Хош келипсиз! | RSS
Сайт мазмуны

Кириў усылы

ЕЛИМИЗ РАЎАЖЛАНЫЎЫНЫҢ ТИЙКАРЫ

Елимиздиң 2017-2021-жыллар аралығындағы бес жыллық раўажланыўына бағышланған Ҳәрекетлер стратегиясының қабыл етилиўи ҳәм турмысымызға енгизилиўи — мәмлекетимиз ҳәм жәмийетимиздиң алға илгерилеўин және де жоқары басқышқа көтереди. Ҳәрекетлер стратегиясының биринши тийкарғы бағдары мәмлекет ҳәм жәми­йет қурылысы системасын жетилистириўди нәзерде тутады. Мәмлекетлик ҳәкимият системасында Олий Маж­лис­тиң ролин күшейтиў, мәмлекеттиң ишки ҳәм сырт­қы сиясатына тийисли әҳмийетли ўазыйпаларды шешиў, атқарыў ҳәкимияты жумысы үстинен парламент қадағалаўын әмелге асырыў бойынша ўәкилликлерин және де күшейтиў белгиленген.  Нызам дөретиўшилиги жумысының сапасын арттырыў, мәмлекет ҳәм жәмийет турмысында сиясий партиялардың ролин күшейтиў, саламат бәсеки орталығын қәлиплестириў менен байланыслы. Бул мәселелер ҳаққында сиясий партиялар халық арасында болып, дөгерек сәўбетлерин шөлкемлестирмекте.

Жақында Өзбекистан «Миллий тикланиш» демо­кратиялық партиясы Қарақалпақстан Республикасы Кеңеси тәрепинен «Өзбе­кистан Республикасын буннан былай да раўажландырыў бойынша Ҳәрекетлер стратегиясы — жумысымыз бағдарламасы» атамасында сәўбетлесиў кешеси болып өтти.

Сәўбетлесиў кешесинде Қарақалпақстан Республикасы Жоқарғы Кеңеси депутаты Рано Қаландарова  Ҳәрекетлер стратегиясының әҳмийетли ўазыйпалары ҳаққында баянат жасады. ӨзМТДП Қарақалпақстан Республикасы Кеңеси баслығы Т.Романов, Қарақалпақстан Республикасы кәсиплик аўқамлары бирлеспелери Кеңеси баслығы У.Жалменов, Нөкис қалалық Кеңеси депутаты В.Қаленова, ӨзМТДП Қарақалпақстан Республикасы Ат­қарыў комитети аппараты қәнигеси Х.Қабуловлар қатнасқан бул кеше өз-ара пикир алысыў менен даўам етти.

Жуўмақлап айтқанда, Ҳәрекетлер стратегиясының барлық бағдарларында көзде тутылған мақсет — ўазыйпалар инсан ҳуқық ҳәм еркинликлери, мәплериниң жүзеге шығыўын тәмийинлейди.

Б.КАРАМАТДИНОВА.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF