Еркин Қарақалпақстан Вести Каракалпакстана 20:07:08, 02.07.2020
Хош келипсиз! | RSS
Сайт мазмуны

Кириў усылы

ЖОЛ ҲАҚЫ ТӨЛЕМИ ЖЕТОНДА ӘМЕЛГЕ АСЫРЫЛАДЫ

Өзбекистан Республикасы Президентиниң 2017-жыл 10-январьдағы «Халыққа транспорт хызметин көрсетиў ҳәм қалалар менен аўылларда автобусларда жолаўшыларды тасыў системасын буннан былай да жетилистириў илажлары ҳаққында»ғы қарарының орынланыўын тәмийинлеў бойынша кең көлемли жумыслар әмелге асырылмақта.

— «Халық пенен пикирлесиў ҳәм инсан мәплери жылы» мүнәсибети менен пуқаралардан келип түсип атырған мүрәжатлерди есапқа алған ҳалда жолаўшыларға қолай шараятлар жаратып бериў мақсетинде усы жылдың 1-мартынан баслап Нөкис қаласы ишиндеги жолаўшы тасыўшы жәмийетлик транспортларда-автобус ҳәм жөнелисли таксилерде жол ҳақы төлеми жетонларда әмелге асырылады,-дейди «Қарақалпақтранс» автомобильде жүк ҳәм жолаўшы тасыўшылар республикалық ассоциациясының бөлим баслығы Баҳадыр Атаниязов.-Ҳәзирше жолаўшылар ағымы көп жыйналатуғын  5-6 орында арнаўлы шақапша қойылып, олар банк терминаллары менен тәмийинленеди. Жолаўшылар бул жерлерден банк пластик карточкалары арқалы жетон сатып алыў мүмкиншилигине ийе болады. Олар бүгинги күндеги жол ҳақы баҳасына теңлестирилген болып, автобуслар ушын сары реңде, жөнелисли таксилер ушын гүмис реңде таярланады. Жетон болмай қалған жағдайда әдеттегидей нақ пул менен де төлеўге болады.

Қалалық жолаўшылар транспортында жол ҳақыны банк пластикалық карточкасынан нақ пулсыз төлеў системасын акционерлик-коммерциялық «Ипотека банк»тен ажыратылатуғын жеңилликли кредит тийкарында басқышпа-басқыш енгизиў режелестирилген.

Д.АБИБУЛЛАЕВ,

Қарақалпақстан хабар агентлигиниң хабаршысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF