Еркин Қарақалпақстан Вести Каракалпакстана 22:59:29, 22.09.2019
Хош келипсиз! | RSS
Сайт мазмуны

Кириў усылы

ЖӘМИЙЕТТЕ ҚЫЗҒЫН ЖУМЫС МӘЎСИМИ

Өткен жылы Нөкис, Шымбай, Кегейли, Қараөзек, Тахтакөпир районларының фермер хожалықларынан 42548 тонна пахтаны қабыллап алған «Халқабад пахта тазалаў» акционерлик жәмийетиниң ағзалары әйне күнлери усы қабылланған өнимлерди заводқа тасып апарыў ҳәм оны қайта ислеў жумысларын қызғын алып бармақта. Әсиресе, бундай ылғаллы ислерди жәмийеттиң туқым шигит дәрилеў ҳәм тай пахталарды пресслеў цехларында айқын көриўимизге болады.

Жумысларымыздың үш сменада үзликсиз жүргизилиўин тәмийинлеп атырмыз,-дейди бизге цех меңгериўшиси Қазақбай Ешмуратов. ­ Быйылғы жылы жәми l560 тонна туқым шигит таярлаўымыз тийис болса, бүгинги күнге келип хызметкерлеримиз жумысларды белгиленген кестеге муўапық алып бармақта. Жумысшылардың өнимли ҳәм сапалы ислеўин тәмийинлеў ушын цехымызда барлық қолайлы шараятлар жаратып берилген. Атап айтқанда, хызметкерлеримизге арнаўлы мәўсимлик кийим-кеншеклер, асханада калориялы ыссы аўқатлар писирилип, сүт-қатық өнимлери берилип атыр. Мийнет алдынғылары болса, жәмийет ҳәкимшилиги ҳәм кәсиплик аўқам шөлкеми тәрепинен турақлы түрде хошаметленип барылмақта…

Ҳақыйқатында да, цех меңгериўшисиниң атап өткениндей, бүгинги күни жәмийетте жумысшы ҳәм хызметкерлердиң нәтийжели жумыс жүргизиўи ушын көплеген қолайлы шараятлар жаратып берилген. Оларға еки орында 40 орынлық асхана, шаштәрезхана, моншахана ҳәм саламатлығын медициналық тексериўден өткериў ҳәм оларға қыстаўлы медициналық жәрдем көрсетиў ушын арнаўлы медпункт хызмет көрсетип келмекте. Сондай-ақ, кәсиплик аўқам тәрепинен хызметкерлерди ҳәм олардың шаңарақ ағзаларын қоллап-қуўатлаўға да айрықша итибар қаратылып, быйылғы жылы олардың жигирма ул-қызы Ташкент, Нөкис, Тақыятас қалалары ҳәм Төрткүл районында жайласқан балалардың дем алыў орайларында кеўилли дем алып қайтқан.

Әлбетте, жәмийет ҳәкимшилиги тәрепинен исленип атырған бундай қоллап-қуўатлаўлар алдағы ўақытлары өндирислик жумысларда өзиниң унамлы тәсирин көрсетиўи анық.

Ә.ОРАЗОВ, арнаўлы хабаршымыз.

Кегейли районы.

СҮЎРЕТЛЕРДЕ: жәмийетте жүргизилип атырған жумыслардан көринислер.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF