Еркин Қарақалпақстан Вести Каракалпакстана 22:31:20, 22.09.2019
Хош келипсиз! | RSS
Сайт мазмуны

Кириў усылы

ЖОЛАЎШЫЛАРҒА ЖАРАТЫЛҒАН ЖЕҢИЛЛИКЛЕР

Өзбекистан Республикасы Президенти Ш.Мирзиёевтың 2017-жыл 18-январьдағы «2017-2021-жылларда Аралбойы регио­нын раўажландырыў Мәмлекетлик бағдарламасы ҳаққында»ғы ПҚ-2731-санлы қарары тийкарында республикамыз халқына қолайлы турмыс шараятларын жаратып бериў мақсетинде бир қатар илажлар әмелге асырылмақта. Усындай жеңилликлердиң бири транспорт хызметин көрсетиў тараўына да енгизилген болып, жолаўшылардың төмендеги категорияларына самолёт ҳәм поезд билетлери ушын жеңилликлер жаратылды.

Атап айтқанда, «Өзбекистан темир жоллары» акционерлик жәмийети тәрепинен «Қоңырат — Ташкент — Қоңырат», «Үргениш — Ташкент — Үргениш» ҳәм «Шават — Ташкент — Шават» жөнелислерине билет алыў ушын әмелдеги тарифлердиң 50 проценти муғдарында шегирмелер киргизилди. Бул шегирмелер төмендеги категориядағы шахслар ушын әмел етеди:

- пенсионерлер (соның ишинде 1941-1945-жыллардағы урыс қатнасыўшылары ҳәм ма­йыплары, оларға теңлестирилген шахслар, Чернобыль АЭС индеги авария ақыбетлерин сапластырыўға қатнасқанлар):

- майыплар (биринши, екинши ҳәм үшинши топар), майыплық топары көрсетилген медициналық-мийнет эксперт комиссиясының тексериў акти көширмеси, гүўалығы менен ҳәм ма­йыпты алып жүриўши шахс:

- 16 жасқа шекемги болған балалықтан майыплар, майыплық топары көрсетилген медициналық-мийнет эксперт комиссиясының тексериў акти көширмеси, гүўалығын көрсеткен ҳалда ҳәм майыпты алып жүриўши шахс:

- оқыўға баратырған студент­лер, жоқары оқыў орнына ми­рәтнама яки жоллама ямаса студентлик гүўалығы ҳәм жоқары оқыў орнынан мағлыўматнама болған ҳалда:

- пуқаралардың өзин-өзи бас­қарыў уйымлары тәрепинен материаллық жәрдем тайынланған, кем тәмийинленген шаңарақлардың ағзалары, пуқаралардың өзин-өзи басқарыў уйымлары арқалы материаллық жәрдем төленип атырған дәўир ушын мағлыўматнамасы болыўы ти­йис.

Соның менен бирге, әмелдеги нызамшылық ҳәм халықаралық шәртнамаларға айырым шахслар ушын киргизилген жеңилликлер сақланып қалады. Бир ўақыттың өзинде шегирмелердиң бир неше түринен пайдаланыўға рухсат берилмейди. Жолаўшы ушын ең қолайлы бол­ған шегирме қолланылады.

Сондай-ақ, 1993-жыл 12-март­тан күшине кирген Екинши жер жүзилик урыс қатнасыўшылары ҳәм майыплары, оларға теңлестирилген шахслар ушын транспортта жеңилликли жүриў ҳуқықын өз-ара тән алыў ҳаққындағы келисим тийкарында урыс қатнасыўшылары ҳәм майыпларына, оларға теңлестирилген шахсларға тек «Өзбекис­тан ҳаўа жоллары» миллий авиакомпаниясы жөнелислеринде ҳәм тек экономикалық класс тарифинен жеңилликлер бериледи.

100 процентлик шегирме:

- бурынғы аўқам қаҳарманлары, «Шуҳрат» ордени ийелерине бир жылда бир мәрте (барыў-келиў) қаҳарманлық гүўалығы, орден китабы тийкарында усы жыл ушын:

100 процентлик шегирме келисимге көре жыл даўамында:

- майыпларға, майыплық гүўалығы ҳәм ҳаўа транспорты ушын берилген еки талон (усы жыл ҳәм алдынғы жыл ушын яки усы жыл ҳәм кейинги жыл ушын) тийкарында:

- III топар урыс майыпларына, майыплық гүўалығы ҳәм ҳаўа транспорты ушын берилген еки талон (усы жыл ҳәм алдынғы жыл ушын яки усы жыл ҳәм ке­йинги жыл ушын) тийкарында:

- екинши жер жүзилик урыс қатнасыўшылары ҳәм оларға теңлестирилген шахслар, тийисли гүўалық ҳәм ҳәм ҳаўа транспорты ушын берилген еки талон (усы жыл ҳәм алдынғы жыл ушын яки усы жыл ҳәм кейинги жыл ушын) тийкарында:

- I  топар урыс майыбын алып жүриў ушын, 8 топар урыс ма­йыпларына оларды алып жүриў ушын берилген тийисли гүўалық ҳәм ҳаўа транспорты ушын берилген еки талон (усы жыл ҳәм алдынғы жыл ушын яки усы жыл ҳәм кейинги жыл ушын) тийкарында:

50 процентлик шегирме келисимге көре жыл даўамында:

- майыпларға, майыплық гүўалығы ҳәм ҳаўа транспорты ушын берилген талон (усы жыл ушын) тийкарында:

- III топар урыс майыпларына, майыплық гүўалығы ҳәм ҳаўа транспорты ушын берилген талон (усы жыл ушын) тийкарында:

- екинши жер жүзилик урыс қатнасыўшылары ҳәм оларға теңлестирилген шахслар, тийисли гүўалық ҳәм ҳаўа транспорты ушын берилген талон (усы жыл ушын) тийкарында:

- I топар урыс майыбын алып жүриў ушын, 8 топар урыс майып­ларына оларды алып жүриў ушын берилген тийисли гүўалық ҳәм ҳаўа транспорты ушын берилген талон (усы жыл ушын) тийкарында:

1-октябрьден 15-майға шекем жеңиллик — 50 процентлик шегирме келисимге көре, жеңилликтиң әмел етиў мүддети тамамланғаннан кейинги тасыўлар улыўма тийкарларда әмелге асырылады:

I, II, III топар урыс майыпларына, тийисли майыплық гүўалықлары тийкарында:

- I топар урыс майыбын алып жүриў ушын, тийисли майыплық гүўалығы тийкарында:

- Оқыўшылар ҳәм Өзбекистандағы жоқары оқыў орынларының күндизги бөлимлеринде оқыйтуғын студентлерге экономикалық класс тарифинен 50 процентлик шегирме, Өзбекистан Республикасы Президентиниң 1992-жыл 22-декабрьдеги ПФ-517-санлы Пәрманы тийкарында ҳәр жылы 28-декабрьден 10-январьға шекемги дәўирде бериледи. Бул шегирмелер тек экономикалық класс тарифинен бериледи.

Балалар ушын шегирмелер МАКның барлық жөнелислеринде қолланылады:

- 2 жасқа шекемги балалар ушын — 90 процент өз алдына орын ажыратылған ҳалда, экономикалық ҳәм бизнес класстың барлық тарифлеринен:

- 2 жасқа шекемги балалар ушын өз алдына орын ажыра­тыл­ған ҳалда ҳәм 2 жастан 11 жас­қа шекемги гүзетип барылатуғын балалар ушын қолланылып атыр­ған экономикалық класс тарифиниң түрине қарай 33 проценттен 50 процентке шекем:

- 2 жасқа шекемги балалар ушын өз алдына орын ажыра­тыл­ған ҳалда ҳәм 2 жастан 11 жас­қа шекемги гүзетип барылатуғын балалар ушын бизнес класс нормал тарифиниң 50 проценти муғдарында.

Материал railway.uz ҳәм uzairways.com сайтларының мағлыўматлары тийкарында таярланды.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF