Еркин Қарақалпақстан Вести Каракалпакстана 18:54:38, 22.09.2019
Хош келипсиз! | RSS
Сайт мазмуны

Кириў усылы

ЖАС ИСБИЛЕРМЕН — ЕЛГЕ ЖӘРДЕМШИ

Елимизде исбилерменлик пенен шуғылланыўшылар ушын жаратылып атырған жеңилликлер, олардың өз жумысларын баслаўы ушын тийисли уйымлардың қәнигелери тәрепинен кең түрде түсиник жумыслары алып барылмақта. Әсиресе, кәсип-өнер колледжин питкериўши жаслар ушын ҳәр қыйлы жеңилликлер жаратылған болып, бул оларды жумысқа тартыўда, өз исбилерменлик жумысын баслаўында үлкен жәрдем беретуғыны анық. Сонлықтан да, ҳәзирги ўақытта барлық кәсип-өнер колледжлеринде келешегимиз болған жасларды исбилерменликке тартыў, колледжди питкергеннен соң өз бизнесин жолға қойыўы мақсетинде түрли илажлар өткерилмекте.

Жақында 2-санлы Нөкис санаат ҳәм хызмет көрсетиў кәсип-өнер колледжинде «Жас исбилермен ­ елге жәрдемши» атамасындағы илаж шөлкемлестирилди.  Оған колледждиң оқыўшы-жаслары, олардың ата-аналары қатнасты.

Мәжилиске мәмлекетлик салық уйымынан, «Бир айна» орайынан, коммерциялық банклерден қатнасқан қәнигелер колледж питкериўшилерине Өзбекистан Республикасы Президентиниң 2010-жыл 28-июльдеги «Билимлендириў мәкемелериниң питкериўшилерин исбилерменликке тартыў бойынша қосымша ис-илажлар ҳаққында»ғы Пәрманына муўапық мәмлекетимиз тәрепинен кәсип-өнер колледжи питкериўшилери ушын ажыратылып атырған кредитлер көлеми, соның менен бирге, колледж питкериўшилерине өз исбилерменлик жумысларын әмелге асырыўы ушын жеңиллестирилген кредитлер ажыратыл­ғанлығы ҳаққында, жасларға бизнес жойбарлары ушын кредит қаржыларын ажыратыў ҳәм рәсмийлестириў тәртиби, жаратылған жеңилликлер менен олардың абзаллықлары ҳаққында кең түрде түсиник берди.

Б.САПАРОВА,

2-санлы Нөкис санаат ҳәм хызмет көрсетиў кәсип-өнер колледжи оқытыўшысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF