Еркин Қарақалпақстан Вести Каракалпакстана 22:27:50, 22.09.2019
Хош келипсиз! | RSS
Сайт мазмуны

Кириў усылы

НӘШЕБЕНТЛИК КӨШЕСИНЕ КИРГЕНЛЕР

Көпшилик жағдайда кеўилсиз жағдайлардың, нызамбузыўшылық ҳәрекетлердиң жүз бериўине наркотикалық затлар, спиртлик ишимликлер себеп болатуғынлығын турмыстың өзи дәлиллемекте. Өйткени, спиртли ишимликке мәс бол­ған яки наркотик затларды қабыллап ес-ақылынан айырылған адамның ҳәр қандай жаўызлық ҳәрекетлерди ислемеўине ким кепиллик бере алады.

Сонлықтан да, елимизде «қара дәри»лердиң алды-саттысына, тарқалыўына қарсы бир қатар ҳуқықый-норматив ҳүжжетлер қабыл етилип, айрықша жумыслар алып барылмақта. Деген менен, елеберин айырым пуқараларымыздың нәшебентлик көшесине кириўи, тез ҳәм аңсат ғана байып кетиўди гөзлеп, оның алды-саттысы менен шуғылланып жүргенлиги тәшўишли жағдай.

Қолымыздағы суд ҳүкимине нәзер салар екенбиз, туўры жолдан адасқан үш пуқара да Төрткүл районы турғынлары ­ судланыўшы Эржанов Батыр Муминович райондағы «Түркистан» мәкан пуқаралар жыйыны аймағында жасайды. Үш адамнан ибарат бул жына­йый ҳәрекетлердиң ­ гиябентлик затларды қабыл етиў, сақлаў, өткериў сыяқлы «операция»лардың басында өзи турады. Бул иске аўылласы Нуриев Умиджан Шарипович, Төрткүл районы «Өзбекистанның 50 жыллығы» көшесинде жасаўшы Нуруллаев Хайдар Рейимбаевич те қосылады. Ақыл тоқтатқан, ҳәр бири еки-үш перзенттиң әкеси, пәкизе шаңарақ тербетип отырған олар бул ҳәрекетлериниң жәмийетимиз ушын қаншелли зыян екенлигиниң парқына бармағанлығына ҳайранбыз.

Гиябентлик көшесине кирген олардан айғақлы зат ретинде алынған марихуана гиябентлик затлары тийисли тәртипте жоқ етилип, Өзбекистан Республикасы Жынаят Кодексиниң тийисли статья ҳәм бәнтлерине әмел еткен суд уйымы ҳүким шығарды.

Б.ҚУРБАНОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF