Еркин Қарақалпақстан Вести Каракалпакстана 18:24:18, 22.09.2019
Хош келипсиз! | RSS
Сайт мазмуны

Кириў усылы

ӨНИМЛЕРИ ТАЛАП ДӘРЕЖЕСИНДЕ

Жақында Өзбекистан Саўда-санаат палатасы Қарақалпақстан Республикасы басқармасы мәжилислер залында «GRAND VISTA» жуўапкершилиги шекленген жәмийети тәрепинен жәмийетте АКФА, Lider Line ҳәм IBoard брендлери астында ислеп шығарылатуғын өнимлерин көп қабатлы турақ жайларды бөлип алып ислеўши ҳәм қурылысшыларға таныстырыў мақсетинде көргизбели семинар болып өтти.

Илажға Қарақалпақстан Республикасында 2017-жыл Инвестиция бағдарламасына киригизилген объектлер қурылысында қатнасатуғын мәкеме-кәрхана басшылары, исбилерменлик субъектлери ҳәм ғалаба хабар қураллары ўәкиллери қатнасты.

Семинарды Өзбекистан Саўда санаат палатасы Қарақалпақстан Республикасы басқармасы баслығы Х.Қайыпназаров басқарып барды. Онда  «ATLANT METAL» жәмийетинен А.Закиров, «PERFECT  PLAST  PROFIL» жәмийети басқарыўшысы Ф.Артиковлар шығып сөйледи ҳәм бүгинги күнде АКФА компаниясы өнимлерди ислеп шығарыўда раўажланған мәмлекетлерде ислеп шығарылған әсбап-үскенелер менен тәмийинленгенлиги, заводта тийкарынан сапалы пластик ҳәм алюминий профиллер, фурнитуралар ислеп шығарыўды жолға қойғаны ҳаққында жыйналғанларға мағлыўмат берди. Сондай-ақ, АКФА компаниясының басламасы менен Өзбекистанда 2016-жыл 15-апрельде ҚМДА еллери арасында ең жоқары ҳәм бириншилер қатарында ашылған автоматластырылған «IMZO» айна рамкалар фабрикасы жоқары инновациялық жойбар екенлиги атап өтилди.

Илаж соңында қатнасыўшылар өз пикир ҳәм усынысларын билдирип, қызықтырған сораўларына жуўаплар алды.

А.ОРАЗОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF