Еркин Қарақалпақстан Вести Каракалпакстана 02:23:03, 17.09.2019
Хош келипсиз! | RSS
Сайт мазмуны

Кириў усылы

МОЙНАҚТЫҢ АЛТЫН ҚОЛЛЫ ШЕБЕРЛЕРИ

Ендиликте ҳәр күни азан менен район орайындағы ең саўлатлы имаратлардың бири, Мойнақ санаат-транспорт кәсип-өнер колледжине оқыўшылар менен жумысқа алынған ата-аналары теңдей қатнайтуғын болды. Жатақханасының бос турған екинши қабаты толығы менен «GOLD MUYNAK MASTERS» жуўапкершилиги шекленген жәмийетине берилген.

Илгери жыллары Мойнақта халыққа турмыс жағынан хызмет көрсетиўши комбинаттың тигиў цехларынан басқа еки қабатлы, үлкен ки­йим тигиў фабрикасы болыпты. Сол фабрикада мийнет жолларын баслаған Айымхан Бердимуратова, Үмит Ержановалар менен гүрриңлескенше асықтық.

— Өзлеримиз жасайтуғын 4-санлы мәкан пуқаралар жыйынында кәсибимиз тигиўши екенлиги есапқа алынып, бираз жыллардан берли жумыссызлар димзиминде турар едик. Күтилмеген жерде жыйын баслығы Б.Өтәмбетова «Тезлик пенен хабарласың, сизлердиң қәнигелигиңиз бойынша жумыс орынлары ашылып атыр» деген хошхабарына исенер-исенбесимизди билмей албырадық,-дейди Айымхан менен Үмитханлар мыйықларынан күлип.

— Көрип турғаныңыздай, ҳәр биримизге  Қытайдың  «JUITA» тигиў машиналары берилди. Ҳәзирше «Устаз-шәкирт» ўазыйпасын атқарып, буйырт­па бойынша пахта теретуғын фартуклер, түрли тараў қәнигелерине арнаўлы жумыс кийимлери, жеңил машиналардың ишки орынлықларына қаплама тысларын түрли таўарлардан пишип тигип беремиз ҳәм тигилген затлардың сапасын көзден өткеремиз. Қызларымыздың қоллары үйренисип, тигиў машиналарын толық меңгерип кеткенше колледж оқытыўшылары жәрдемге келмекте. Жумыстың өнимли, сапалы болыўы ушын мийнет адамларына қолайлы шараятлар жаратып бериў ағла дәрежеде әмелге асырылған...

Ө.ӨТЕЎЛИЕВ

СҮЎРЕТТЕ: Жуўапкершилиги шекленген «Мойнақтың алтын қоллы шеберлери» жәмийетиниң пишиўшиси Ү.Ержанова, А.Бердимуратова ҳәм жәмийет жетекшиси Ж.Қарлыбаевалар жумыс басланар алдынан мәсләҳәтлеспекте.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF