Еркин Қарақалпақстан Вести Каракалпакстана 22:30:46, 22.09.2019
Хош келипсиз! | RSS
Сайт мазмуны

Кириў усылы

АРАЛБОЙЫ РЕГИОНЫ РАЎАЖЛАНДЫРЫЛАДЫ

Өзбекистан Республикасы Президенти Ш.Мирзиёевтың 2017-жыл 18-январьдағы «2017-2021-жылларда Аралбойы регионын раўажландырыў Мәмлекетлик бағдарламасы ҳаққында»ғы ПҚ-2731-санлы қарары менен «Аралбойы регионы халқының турмыс шараятлары ҳәм сапасын жақсылаўға бағдарланған 2017-2021-жылларда Аралбойы регионын раўажландырыў Мәмлекетлик бағдарламасы» тастыйықланған еди.

Бул Бағдарламада төмендеги ис-илажлар да нәзерде тутылған:

- регионның инвестициялық тартымлылығын жақсылаў бағдарындағы комплексли ис-илажларды әмелге асырыў:

- суў тәмийнаты системасын раўажландырыў ҳәм халықтың таза ишимлик суўы менен тәмийинлениў дәрежесин арттырыў:

- регионда денсаўлықты сақлаў сис­темасын және де раўажландырыў ҳәм халықтың генофондын сақлаў илажларын әмелге асырыў:

- регионда жасаўшы халықтың турақ жай шараятларын жақсылаўға бағдарланған ис-илажларды әмелге асырыўды даўам еттириў:

- Заманагөй энергия үнемлейтуғын технологияларды енгизе отырып, Нөкис ҳәм Үргениш қалаларының ыссылық тәмийнаты системаларын жақсылаў.

Бул қарар менен Аралбойы регионын және де раўажландырыў, халықтың турмыс шараятлары ҳәм сапасын түп-тийкарынан жақсылаў ис-илажларын әмелге асырыўды финанслық жақтан исенимли ҳәм турақлы тәмийинлеў мақсетинде Қаржы министрлиги жанында Аралбойы регионын раўажландырыў қорын шөлкемлестириў белгиленди.

Төмендеги мәнзиллерде жайласқан санаат тараўында (автомобильлерге газ толтырыўшы компрессор станциялардан тысқары) жаңа шөлкемлестирилип атырған микрофирмалар ҳәм киши кәрханалар:

- Қарақалпақстан Республикасының Мойнақ, Шоманай, Қанлыкөл, Тахтакөпир, Шымбай районларында, Хорезм ўәлаятының Янгиариқ ҳәм Қўшкўпир районларында — 2027-жылдың 1-январына шекемги мүддетке:

- Қарақалпақстан Республикасы ҳәм Хорезм ўәлаятының қалған ра­йонларында 2022-жылдың 1-январына шекемги мүддетке бирден-бир салық төлемин төлеўден азат етиледи.

2017-жылдың 1-февралынан баслап Қарақалпақстан Республикасы ҳәм Хорезм ўәлаятында:

- балалардың мектепке шекемги билимлендириў мәкемелериндеги, айы­рым пәнлер тереңлестирилип оқытылатуғын қәнигелестирилген мектеп-интернатлардағы тәмийнаты ушын, «Бәркамал әўлад» орайларындағы, музыка ҳәм көркем өнер мектеплериндеги шынығыўлар ушын ата-аналардың ҳәр айлық төлем муғдарлары, сондай-ақ, халықтың мәденият ҳәм демалыс орайларындағы төлем муғдарлары республика бойынша белгиленгенинен 2 есе кем дәрежеде орнатылды:

- мүтәж шаңарақларға, биринши гезекте, жалғыз пуқаралар, пенсионерлерге, бағыўшысы ма­йып шаңарақларға ҳәм басқа да кем тәмийинленген тайпадағы халық ҳәм шаңарақларға аўыл (мәҳәлле) пуқаралар жыйынларының комиссиялары қарарына муўапық тайынланатуғын ең кем ис ҳақының 2 есесинен 5 есесине шекемги муғдарда бир мәрте берилетуғын материаллық жәрдем түриндеги социаллық напақаның жаңа түри енгизилди:

- темир жол ҳәм авиажолаўшылар билетлерин сатыў арнаўлы жеңилликли тарифлер бойынша әмелге асырылады.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF