Еркин Қарақалпақстан Вести Каракалпакстана 15:53:08, 24.09.2020
Хош келипсиз! | RSS
Сайт мазмуны

Кириў усылы

МӘҢГИ ТУЛҒАЛАР

Өз дөретиўшилиги менен өшпес из қалдырған, дүнья классик әдебияты раўажына үлкен үлес қосқан, уллы данышпан, түркий тиллес халықлардың сүйикли шайыры, ғәззел мүлкиниң султаны Әлишер Наўайы ҳәм өз трактатлары, шығармалары менен белгили болған, билимдан, әдебиятты жетик билген мәмлекетлик искер Заҳриддин Муҳаммад Бабурдың туўылған сәнелери билимлендириў мәкемелеринде көтериңки руўхта өткерилмекте. Нөкис мәмлекетлик педагогикалық инс­титутында Әлишер Наўа­йының  576 ҳәм Заҳриддин Муҳаммад Бабурдың 534 жыллығы мүнәсибети менен «Мәңгилик тулғалар» атамасында илимий-әмелий конференция ҳәм көркем-әдебий кеше болып,  оны институттың ректоры Қ.Оразымбетов кирис сөз бенен ашты.

Академик Ж.Базарбаев, институттың өзбек филологиясы факультети оқытыўшысы, доцент Э.Хўжаниязовлар бул еки тулғаның дөретиўшилигиндеги салмақлы пикирлер, бийтәкирар ғәззеллеринен сол дәўирдиң идеологиялық көз-қарасын жазбастан, ал, сап әдебий шығармалар дөреткенлиги, яғный, мийнетлеринде лиризм, романтизм, реализм, гуманизм жоқары дәрежеде сүўретленгенлиги ҳаққында баянатлар жасады.

— Әлишер Наўайы инсаният руўхыятына, камалына үлкен үлес қосқан сөз шебери. Жазған бәйитлеринен, ғәззеллеринен уллы шайырдың келешекти көре алыўшылық ҳәм данышпанлық қәбилети болғанлығын аңлаў қыйын емес. Ал, оның мийнетлеринен илҳамланып қәлем тербеткен жетик әдебиятшы, шайыр, мәмлекетлик искер Заҳриддин Муҳаммад Бабур исми жәҳән тарийхында өз дәўирин гүллеткен патша ҳәм уллы шайыр сыпатында белгили, - дейди институттың өзбек филологиясы факультети студенти З.Сабурова.

Ә.Наўайы ҳәм З.Бабур ҳаққында жазылған «Пуқараның тахтсыз патшасы», «Жулдызлы түнлер» романы тийкарында институт студентлери тәрепинен сахналық көринислер қойылды ҳәм олардың дөретпелеринен үзиндилер оқып берилди.

Т.ЖӘРИМБЕТОВА.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF