Еркин Қарақалпақстан Вести Каракалпакстана 17:48:57, 02.07.2020
Хош келипсиз! | RSS
Сайт мазмуны

Кириў усылы

ҒАМҚОРЛЫҚҚА ЖАРАСА ЖУЎАП

Елимиздиң Биринши Президенти Ислам Кәримов тек ғәрезсизлигимизге тийкар салып, турмысымыздың барлық тараўларын раўажландырып ғана қоймай, халықтың саламатлығын беккемлеўге, дене тәрбиясы ҳәм спортты алға илгерилетиўге де айрықша дыққат қаратқан еди. Әйне оның басламасы менен елимиз жаслары арасында өткерилип киятырған үш басқышлы спорт жарыслары системасы — «Үмит нәлшелери», «Бәркамал әўлад» ҳәм Универсиада ойынлары бүгинги күнде көплеген жеңислеримизге тийкар жаратпақта.

И.Кәримовтың туўылған күни мәмлекетимиздиң барлық орынларында кең түрде белгиленип өтилген болса, бундай ийгиликли истен спорт жарыслары да шетте қалмады. Оның естелигине бағышланып баскетбол бо­йынша Әжинияз атындағы Нөкис мәмлекетлик педагогикалық институтында шөлкемлестирилген турнир де мине усындай илажлардың биринен есапланады. Биринши Президентимиздиң усындай ғамқорлығына жараса жуўап сыпатында өткерилген бул турнирге институт факультетлеринен дүзилген ер балалар ҳәм қызлар командалары қатнасып, жеңимпазлық ушын гүрес жүргизди.

Қызықлы өткен беллесиўлер жуўмағында ер балалар арасында биринши орынды шет тиллер факультети ийелеген болса, екинши ҳәм үшинши орынлар тарийх ҳәм физика-математика факультетлерине несип етти. Қызлар арасындағы жарыста тәбийғый пәнлер факультети жәмәәтиниң қоллары бәлент келди. Екинши орынды физика-математика, үшинши орынды болса қарақалпақ тили ҳәм әдебияты командалары ийеледи.

Турнир жуўмағында жеңимпазлар ҳәм сыйлы орын ийелери шөлкемлестириўшилер тәрепинен таярланған дипломлар ҳәм естелик саўғалары менен сыйлықланды.

С.АЛЛАНИЯЗОВ,

НМПИ факультетлер аралық дене тәрбиясы кафедрасының оқытыўшысы.

СҮЎРЕТТЕ: турнир жеңимпазлары ҳәм сыйлықлаў мәресиминен көринис.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF