Еркин Қарақалпақстан Вести Каракалпакстана 09:16:44, 04.07.2020
Хош келипсиз! | RSS
Сайт мазмуны

Кириў усылы

ИСБИЛЕРМЕНЛИК СУБЪЕКТЛЕРИНЕ ЖЕҢИЛЛИКЛЕР

Бүгинги күнде елимизде жеке исбилерменлик ҳәм киши бизнести раўажландырыўға үлкен дыққат қаратылып, мәмлекетлик бағдарламалар тийкарында тараўда нәтийжели жумыслар әмелге асырылмақта. Жыл сайын тараўдың ҳуқықый тийкарлары жетилистирилип, исбилерменлеримизге ҳүкиметимиз тәрепинен жаратылып атырған имканиятлар ҳәм жеңилликлер кеңейттирилмекте.

Жақында Қарақалпақстан Республикасы Меншиклестириў, монополиядан шығарыў ҳәм бәсекиликти раўажландырыў комитетинде Өзбекистан Республикасы Президентиниң 2017-жыл 17-январьдағы «Исбилерменлик мақсетлеринде пайдаланыў ушын мәмлекетлик мүлк объектлерин сатыўды жеделлестириў ҳәм оның тәртип-процедураларын және де әпиўайыластырыў ис-илажлары ҳаққында»ғы Пәрманының әҳмийетин республикамыздағы акционерлик жәмийетлери ҳәм исбилерменлик субъектлери ўәкиллерине түсиндириў мақсетинде  илаж шөлкемлестирилди.

— Өткерилген семинарымыздың  тийкарғы мақсети — мәмлекетимизде исбилерменликтиң жедел раўажланыўын хошаметлеўши бизнес орталықты жаратыў, мәмлекет экономикасында олардың үлесин ҳәм әҳмийетин арттырыў, исбилерменлердиң кәсиплик шеберлигин еле де жетилистириў болып есапланады, - дейди Қарақалпақстан Республикасы баҳалы қағазлар базарын муўапықластырыў ҳәм раўажландырыў орайының бөлим баслығы Әдилбек Оразбаев.

Илаж соңында қатнасыўшылар комитеттиң жуўаплы хызметкерлеринен Пәрманның мазмуны, исбилерменлик субъектлерине жаратылған жеңилликлер ҳаққында мағлыўматларға ийе болды.

Р.АРЗИЕВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF