Еркин Қарақалпақстан Вести Каракалпакстана 19:08:11, 02.07.2020
Хош келипсиз! | RSS
Сайт мазмуны

Кириў усылы

ЖОЛ КӨРСЕТИЎШИ ЖУЛДЫЗ

Өзбекистан Республикасының Биринши Президенти, мәмлекетимиз ғәрезсизлигиниң тийкарын салыўшы Ислам Әбдиғаниевич Кәримовтың Ўатанымыздың раўажланыўы, журтымыздың тынышлығы, хал­қымыз турмысының пәраўанлығына қосқан үлеси, ол кисиниң мазмунлы өмири ҳәм хызметлериниң өсип киятырған жас әўлад тәрбия­сында тутқан орны ҳәм әҳмийетин инабатқа алып, бул сәнени халқымыздың уллы байрамы сыпатында белгилеў әзиз Ислам Әбдиғаниевичтиң руўхын шад етеди деп ойлаймыз.

Ислам Кәримов заманымыздың уллы сиясатшысы, ғәрезсизлигимиздиң архитекторы сыпатында халқымыздың қәлбинде, журтымыз тарийхында мәңги сақланып қалады. Президентимиз Шавкат Мирзиёевтың сөзи менен айтқанда, ўақыт ҳәм турмыстың өзи Ислам Кәримовтың узақты көретуғын ҳәм стратегиялық пикир жүргизетуғын шахс, дүньяда ҳәм түрли регионларда жүз берип атырған оғада қурамалы ўақыя-ҳәдийселердиң мағанасын мәмлекетшилик көзқарасынан көре билиў қәбилетине ийе болған, өз журты ҳәм халқы ушын, ҳәр бир ўатанласымыздың тәғдири ушын үлкен жуўапкершилик сезимин терең сезинетуғын атақлы басшы болғанлығын ҳәр тәреплеме тастыйықлады.

Ҳақыйқатында да, И.Кәримов ғө жыл даўамында ғәрезсиз Өзбекистанды басқарып, ашық пуқаралық жәмийети ҳәм базар экономикасына тийкарланған ҳуқықый демократиялық мәмлекет қурыўдың терең ойланған стратегиясын ислеп шыққан ҳәм оны әмелге асырған уллы мәмлекетлик ғайраткер сыпатында елимизде ҳәм халықаралық аренада жоқары абырайға еристи.

Ислам Кәримов экономикалық ғәрезсизликке ериспей турып, сиясий ғәрезсизликти тәми­йинлеў мүмкин емес, деген пикирдиң қатаң тәрептары еди. Әйне, сонлықтан да, Елбасшымыз тәрепинен белгили бес принцип тийкарында пүткил дүньяда раўажланыўдың «өзбек модели» деп тән алынған Өзбекистан экономикасын түп-тийкарынан реформалаў ҳәм структуралық өзгерислерди әмелге асырыў бағдарламасы ислеп шығылды. Бул модельдиң түп-тийкарын «Реформа — реформа ушын емес, бәринен бурын инсан ушын» деген стратегиялық бағдарды әмелге асырыў қурайды.

Өзбекистан Республикасы Конституциясы қабыл етилгениниң ғө жыллығына бағышланған салтанатлы мәресимде Президентимиз Ш.Мирзиёевтиң атап өткениндейҮ «Конституцияның жаратылыўы ҳәм турмысымызға енгизилиўинде заманымыздың уллы мәмлекетлик ғайраткери, уллы жолбасшымыз, ҳүрметли Ислам Әбдиға­ниевич Кәримовтың хызмети шексиз екенин бәршемиз жақсы билемиз.

Халқымыздың ой-өриси, дүньяқарасын ҳәм пүткил турмысын түп-тийкарынан өзгерткен бул әҳмийетли сиясий ҳүжжетти ислеп шығыўда Ислам Әбдиғаниевичтиң концептуаллық әҳмийетке ийе, терең пикирлери беккем тийкар болды».

Ҳақыйқатында да, жыллар өткен сайын хал­қымыз Биринши Президентимиз И.Кәримовтың уллылығы ҳәм даналығын және де терең аңлайды. Оның бийбаҳа пикирлери, өлмес шығармалары халқымыз, әсиресе, өсип киятырған жас әўлад ушын жол көрсетиўши жулдыз болып қала береди.

К.ЖУМАНИЯЗОВА,

Нөкис қалалық 6-санлы мәмлекетлик нотариал кеңсесиниң нотариусы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF