Еркин Қарақалпақстан Вести Каракалпакстана 09:54:47, 04.07.2020
Хош келипсиз! | RSS
Сайт мазмуны

Кириў усылы

УЛЛЫ ЖУРТТЫҢ УЛЛЫ ПЕРЗЕНТИ

Ғәрезсиз Өзбекистан мәмлекетиниң тийкарын салыўшы, дүнья еллери тән алған уллы сиясий ғайраткер, тыныш ҳәм абат ел қурыўшысы Биринши Президентимиз Ислам Кәримов ҳәр бир инсанның қәлбинде мәңги жасайды. Ол мәмлекетимиздиң бүгинги ҳәм ертеңги күнниң шешиўши күшине айланып баратыр­ған жасларымыздың сана-сезими ҳәм дүнья-қарасын пүткиллей өзгертип, жаңа жол ашып берди. Нәўқыран әўладты тәрбиялап камалға жеткериўдиң жаңа принципиал системасын шөлкем­лес­тириў ҳәм турмысқа енгизиўге тиккелей басшылық етти.

Бул уллы инсанның туўыл­ған күнине бағышлан­ған еслеў кешелери республикамыздың барлық билимлендириў мәкемелеринде өткерилмекте. «Ғәрезсизлигимиздиң тийкарын салыўшы» атамасындағы усындай илаж Өзбекистан «Миллий тикланиш» демократиялық партия­сы Қарақалпақстан Республикасы Кеңеси тәрепинен шөлкемлестирилди. Илажда Өзбекистан Қаҳарманы, археолог-илимпаз Ғ.Хожаниязов, профессор-оқытыўшылар, партия белсендилери ҳәм де ғалаба хабар қураллары хызметкерлери қатнасты. Кешеде сөзге шыққанлар Биринши Президентимиз Ислам Кәримовтың өмири ҳәм хызмети, басшылық еткен шерек әсир даўамында елимизде алып барған сиясаты ҳаққында кең түрде сөз етти.

— Биринши Президентимиздиң демократиялық талаплар ҳәм халықаралық өлшемлерге жуўап беретуғын Өзбекистан Республикасының Конституциясының авторы болып, оны турмыс­қа әмелий жақтан енгизиўдиң ҳақыйқый кепилин жаратты. Бас Нызамымызда  инсан ҳуқық ҳәм мәплери, еркинлигине айрықша орын берилген. Ҳәр жылы елимизде амнистия ҳаққындағы қарар қабыл етилип, онда турмыс­та билмей ислеген айыпларына инсаныйлық, кеширимлилик берип, ҳәр бир пуқараның турмыс­та өз жолын табыўына жеңиллик жаратылады, -дейди институттың оқытыўшысы Қ.Мәмбетов.

Жыйналыс соңында Биринши Президентимиздиң өмир жолы ҳаққында жыйналған­ларға видео-ролик қойып берилди.

З.ЖАҚСЫМУРАТОВА.

СҮЎРЕТЛЕРДЕ: илаждан көринислер.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF