Еркин Қарақалпақстан Вести Каракалпакстана 10:22:40, 04.07.2020
Хош келипсиз! | RSS
Сайт мазмуны

Кириў усылы

ГАЗЕТАДА АТЫ КӨРИНБЕЙТУҒЫН ЖИГИТ

Күнделикли газета қолыңызға барып тийгеннен кейин бир оқып, көз жуўыртасыз. Ана автор анадай, мына автор мынадай етип жазыпты деп, баҳа бересиз. Бирақ, газетаның қәйтип, қандай жағдайда басылып шығатуғынына көпшилигиңиз итибар бере бермейсиз.

Бурын тас баспада, қорғасын ҳәриплер менен шығып келген «Еркин Қарақалпақстан-Вести Каракалпакстана» газеталары 1997-жылдан баслап толық компьютерге өтти. Бурын корректурада ислеген, газетаны басып шығаратуғын жигит-қызлар жаңадан кирип келген, заманагөй компьютер технологияларын меңгериўге өтти. Олардың арасында бурын «Нөкис полиграфкомбинаты» жуўапкершилиги шекленген жәмийетинде компьютер операторы, версткалаўшы болып ислеген, ҳәзирги ўақытта «Еркин Қарақалпақстан» газетасында өзиниң ўазыйпасын шын кеўли менен атқарып атырған кәсиплесимиз, редак­циямыздың компьютер операторы Сапар Туреев те бар.

Айтайын дегенимиз, ҳәр санда 120 мыңнан аслам ҳәриплер, иркилис белгилерин, асығыслықта кеткен, корректорлар, нәўбетши редактор ҳәм нәўбетши тәрепинен анықлан­ған қәтелерди дүзеп, газетаның макетин ислейтуғын, бирақ, газетада аты көринбейтуғын кәсиплесимиз Сапар бүгин 40 жасқа толып атыр.

Қырық деген бир жигит ағасының жасы. Солай екен, усындай жасқа шығып атырған Сапар Туреевти бүгинги юбилей жасы менен қызғын қутлықлап, алдағы жумысларында табыслар тилей отырып, зайыбы Тазагүл менен биргеликте өсирип атырған ул-қызлары Оразбай ҳәм Тахминаның қызықларын теңдей көре бериўине тилеклеслик билдиремиз.

«Еркин Қарақалпақстан»-«Вести Каракалпакстана»

газеталарының мийнет жәмәәти.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF