Еркин Қарақалпақстан Вести Каракалпакстана 09:39:57, 21.08.2018
Хош келипсиз! | RSS
Сайт мазмуны

Кириў усылы

ЗАМАНАГӨЙ ТЕХНОЛОГИЯ — ӨНДИРИС

ҚУЎАТЫН АРТТЫРЫЎҒА ТИЙКАР ЖАРАТАДЫ

Мәмлекетимизде Елбасшымыздың тиккелей басламасы менен жумыс алып барып атырған ири санаат кәрханаларын модернизациялаў, техникалық ҳәм технологиялық жақтан қайта үскенелеў, заманагөй, жоқары техноло­гия­ларға тийкарланған жаңа өндирис объектлерин шөлкемлестириўди тезлетиў бойынша инвестиция­лық сиясатты жүргизиўге айрықша итибар қаратылып келинбекте. Усы тийкарда соңғы жылларда республикамыздың барлық орынларындағы бир қатар ири санаат кәрханаларына инвестициялар тийкарында заманагөй технологиялар алып келинип, олардың өндирис қуўатлылығы жыл сайын артып бармақта.


Хожели районында дерлик 25 жыл илгери жумыс баслаған «Хожели жип ийириў фабрикасы» ашық акционерлик жәмийетиниң техникалық әсбап-үскенелериниң ескиргенлиги, өним жетистириў нәтийжелилигиниң бүгинги дәўир талаплары дәрежесине жуўап бермей қалғанлығы себепли, Өзбекстан Республикасы Министрлер Кабинетиниң тийисли қарарына тийкарланып усы жәмийет базасында жаңа жип-сабақ ислеп шығарыў жойбарын әмелге асырыў ўазыйпасы белгилеп берилген еди. Нәтийжеде кәрхана «ELITE STARS TEXTILE» жуўапкершилиги шекленген жәмийети болып қайта шөлкемлестирилип, «Өзсанаатқурылысбанки» тәрепинен 24 миллиард сумнан аслам инвестиция киритилди ҳәм бүгинги күнде жип-сабақ ислеп шығарыўға қәнигелестириў мақсетинде кең көлемли реконструкция жумыслары алып барылмақта.

- Жаңа жойбар тийкарында кәрханада алып барылып атырған реконструкция жумысларын әмелге асырыўда бас бөлип алып ислеўши етип «Хорезм Глобал Констракшн» жуўапкершилиги шекленген жәмийети белгиленди ҳәм қурылыс-монтажлаў, инженерлик-коммуникациялық ҳәм басқа да жумыслар бүгинги күнде жуўмақлаўшы бас­қышқа кирди. Ал, жаңа технологиялық үскенелерди жеткерип бериўде Қытай Халық Республикасының «HUAIBEI FOREIGN TRADE CO. LTD» компаниясы менен 2011-жыл 5-мартта 4 миллион 911 мың АҚШ доллары муғдарында шәртнама дүзилген болса, w0qq-жыл qr-июльде және де e0u мың 480 АҚШ доллары муғдарында қосымша шәртнама дүзилди ҳәм зәрүрли әсбап-үскенелер толығы менен алып келинди. Ҳәзирги күнде усы технологияларды қытайлы қәнигелер тәрепинен орнатыў жумыслары алып барылмақта ҳәм елимиз ғәрезсизлигиниң 21 жыллық байрамы алдынан иске түсирилиўи нәзерде тутылмақта, - дейди кәрхана директоры Юлдаш Мәтниязов.

Заманагөй технологиялар менен тәмийинленген, бүгинги ҳәр тәреплеме раўажланған дәўир талаплары дәрежесинде өним ислеп шығарыўға қәнигелескен бул жаңа кәрхананың жумыс баслаўы менен тазадан 150 жумыс орны шөлкемлестириледи. Ал, кәрхана толық қуўатлылықта иске түсип, еки сменада жумыслар алып барылса дерлик 300 ге жақын жигит-қызлардың турақлы жумыс орынлары менен тәмийинлениўине тийкар жаратылады. Бул, өз гезегинде кәрхананың өндирис қуўатының артыўына, екиншиден ҳәзирги ўақыттағы баслы мәселелерден саналған бәнтлик бағдарламасының орынланыўында әҳмийетли қәдем болатуғынлығы тәбийғый.

Қ.АЖИБАЕВ,

арнаўлы хабаршымыз.

Хожели районы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF