Еркин Қарақалпақстан Вести Каракалпакстана 20:17:51, 25.08.2019
Хош келипсиз! | RSS
Сайт мазмуны

Кириў усылы

БИЙДАЙ ТӘРБИЯСЫ ӘҲМИЙЕТЛИ ЎАЗЫЙПА

Республика ҳүкимети тәрепинен гүзлик бийдай тәрбиясы бойынша 5-ноябрь — 5-декабрь аралығында «Ылғаллы бир айлық» ис-илажлар бағдарламасы ислеп шығылды ҳәм онда аймақларда егилген ғәлле майданларын тәрбиялаў ислерин агротехникалық илажлар тийкарында әмелге асырыў белгилеп берилди.

— Быйылғы жылы республикамыз бо­йынша октябрь айының басында 53 мың гектарға бийдай туқымы толығы менен егилген болса да район фермер хожалықларының усыныслары бойынша Ташкент ўәлаятынан 812 тонна туқым алып келинип, қосымша 3250 гектар майданға гүзлик бийдай егилди, - дейди бизге Қарақалпақстан Республикасы Аўыл ҳәм суў хожалығы министрлигиниң бас қәнигеси Ислам Бегжанов. — Белгиленген илажларға муўапық ғәллениң өсиў потенциалын күшейтиў мақсетинде 23 мың 571 гектар майданға азотлы минерал төгинлер шашылды...

Усылар менен биргеликте ғәлле майданларын азықландырыў жумысларын системалы шөлкемлестириў мақсетинде 104 топар шөлкемлестирилип, оларға жәми 315 техника қатнастырылмақта.

Сондай-ақ, бийдай атызларын суўғарыў бойынша 225 топар дүзилип, оларға жәми 12 мың 481 суўшылар бириктирилген. Усы топар ағзалары тәрепинен ғәлле майданларын жергиликли төгинлер менен шербет усылында суўғарыўда 17 мың 685 қәндек толығы менен қазылып, атыз басларына ширитилген қый шығарылды.

Мағлыўмат ушын айтып өтиўимиз ти­йис, ҳәзирги ўақытта республика аймағындағы егилген майданлар толық бир мәртеден суў­ғарылған болып, 20 мың 389 гектар майданында екинши рет суўғарыў жумыслары жүргизилмекте. Бул ислер өз гезегинде жер бетине көгерип бир тегис нәл алған бийдайлардың буннан былай жақсы өсип раўажланыўына өз жәрдемин тийгизетуғынлығы тәжирийбеде сыналған.

А.ЮСУПОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF