Еркин Қарақалпақстан Вести Каракалпакстана 12:56:09, 26.05.2019
Хош келипсиз! | RSS
Сайт мазмуны

Кириў усылы

ҲАЯЛ-ҚЫЗЛАР УШЫН СЕМИНАР-ТРЕНИНГ

Усы жылы 4-декабрь күни болып өтетуғын Өзбекистан Республикасы Президентин сайлаўға таярлық көриў ҳәм оны өткериў менен байланыслы илажлар қатарында Өзбекистан Республикасы Ҳаял-қызлар комитетиниң 2016-жыл 20-октябрьдеги 4-санлы мәжилис баянламасына муўапық, республикамыздағы ҳаял-қызлардың сайлаўлардағы белсендилигин арттырыў мақсетинде орынларда «Ҳаял-қызлардың сайлаўлардағы қатнасы» атамасында семинар-тренинг, ушырасыў ҳәм дөгерек сәўбетлери болып өтпекте.

Усындай илажлардың бири Нөкис мәденият ҳәм көркем-өнер колледжинде де болып өтти.

Оған Нөкис қалалық Ҳаял-қызлар комитетиниң, «Мәҳәлле» қайырқомлық жәмийетлик фондының ҳәм басқа да тийисли мәкеме ҳәм шөлкемлердиң басшы ҳәм жуўаплы хызметкерлери, пайтахтымыздағы 1-санлы «Ғәрезсизлик», 5-санлы «Халықлар дослығы» мәкан пуқаралар жыйыны аймағында жайласқан билимлендириў мәкемелериниң ўәкиллери, мәҳәлле турғынлары, усы колледждиң оқытыўшылары ҳәм ғалаба хабар қуралларының хызметкерлери қатнасты.

Илажда Нөкис қалалық «Мәҳәлле» қайырқомлық жәми­йетлик фондының бас қәнигеси Ү.Халмуратова, қалалық ПҲАЖ бөлиминиң баслығы С.Пирназарова, «Ғәзийне» газетасының бас редакторы З.Жуманазарова ҳәм басқалар шығып сөйлеп, Өзбекистан Республикасы Президентин сайлаўға таярлық көриў ҳәм оны өткериў бойынша әмелге асырылатуғын илажларда ҳаял-қызлар комитетлери, олардың басланғыш шөлкемлери ҳәм мәкан пуқаралар жыйынларындағы ҳаял-қызлар менен ислесиў комиссияларының қатнасы ҳәм сайлаў участкаларындағы жаратылған шараятлар туўралы кең түрде мағлыўмат берип, ҳәр бир сайлаўшыны, әсиресе,  сайлаўға биринши мәрте қатнасатуғын қызларды бул илажларға белсене қатнасыўға шақырды.

Илаж қатнасыўшылары өзлерин қызықтырған сораўларға жуўап алды.

Ә.Жиемуратов,

Қарақалпақстан хабар агентлигиниң хабаршысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF