Еркин Қарақалпақстан Вести Каракалпакстана 20:13:52, 25.08.2019
Хош келипсиз! | RSS
Сайт мазмуны

Кириў усылы

БИРГЕ ИСЛЕСИЎ — БАСЛЫ МАҚСЕТ

Қарақалпақстан Республикасы Прокурартурасында Өзбекистан Республикасы Олий Мажлиси Сенатының 2016-жыл 12-октябрьдеги «Өзбекистан Республикасы Конституциясы қабыл етилгенлигиниң жигирма төрт жыллығы мүнәсибети менен амнистия ҳаққында»ғы қарарының орынланыўына бағышланған ведомстволараралық мәжилис болып өтти. Оған Олий Мажлис Сенатының ҳәм республика ҳүкиметиниң ағзалары, тийисли министрликлер менен шөлкемлердиң, ҳуқық қорғаў уйымларының, жәмийетлик қорлардың басшылары ҳәм ғалаба хабар қуралларының ўәкиллери қатнасты.

Илажды Қарақалпақстан Республикасы Прокурорының орынбасары М.Тилеўмуратов кирис сөз бенен ашты ҳәм алып барды. Мәжилисте Олий Мажлис Сенатының ағзасы Ғ.Хожаниязов, Жынаят ислери бойынша Қарақалпақстан Республикасы Суды баслығының орынбасары Х.Асанов ҳәм басқалар шығып сөйлеп, жыйналғанларға амнистия ҳаққындағы қарардың мазмун-мәнисин кеңнен түсиндирип, оны қолланыў барысында жәрия­лылықты ҳәм жәмийетлик қадағалаўды тәмийинлеў әмелиятында қәте-кемшиликлерге жол қоймаў, сондай-ақ, ҳуқық қорғаў уйымлары хызметкерлериниң жуўапкершилигин ҳәм маманлығын арттырыў, амнистия актиниң орынланыўында жуўапкершиликти тәмийинлеў, нызам бузыўшылық жағдайларына жол қоймаў мақсетинде суд, ҳуқық қорғаў уйымлары ҳәм мәпдар шөлкемлер менен бирге ислесиўди күшейтиў бойынша айқын ўазыйпалар белгилеп алыў зәрүрлигин атап өтти.

Қарардың орынланыўына жуўапкер болған шөлкем хызметкерлериниң билим ҳәм көнликпелерин арттырыў мақсетинде оқыў-семинарларды шөлкемлестириў, амнистия актиниң орынланыўын әмелге асырыў процесин ғалаба хабар қуралларында кеңнен сәўлелендирип барыў бойынша ўазыйпалар белгилеп алынды.

Илажда баянатшылар қатнасыўшылардың қызықтырған сораўларына жуўап берди.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF