Еркин Қарақалпақстан Вести Каракалпакстана 12:55:24, 26.05.2019
Хош келипсиз! | RSS
Сайт мазмуны

Кириў усылы

ӘҲМИЙЕТЛИ ИЛАЖҒА ПУҚТА ТАЯРЛЫҚ

ЕЛЛИҚАЛА. Әҳмийетли сиясий ўақыя, Өзбекистан Республикасы Президенти сайлаўы күн сайын жақынласпақта. Усы күнлери Елликқала районында да сайлаў участ­к­аларын зәрүр техника, байланыс қураллары менен тәми­йинлеў, имаратларды даўыс бериў ушын таярлаў бағдарында жумыслар шөлкемлескенлик пенен жүргизилмекте. Атап айтқанда, районда 37 сайлаў участкасы дүзилип, 96450 сайлаўшы даўыс бериўи күтилмекте.

Әсиресе, район орайындағы 18-санлы балалар музыка ҳәм көркем өнер мектебине жайласқан 554-сайлаў участкасы керекли техникалар, «Ана ҳәм бала» ҳәм медицина ханалары дәри-дәрмақлар менен тәмийинленген.

— Сайлаў участкамызда ис-режелер ислеп шығылды ҳәм ўазыйпалар белгилеп алынды. Комиссия ағзалары иркинишсиз ислеўи ушын заманагөй компьютерлер ҳәм байланыс қураллары жетерли. Нәўбетшилик етиў жолға қо­йылды. Сайлаўға байланыслы нызам ҳүжжетлери талапларын булжытпай орынлаў, болажақ сайлаўдың мәмлекетимизди раўажландырыўдағы әҳмийетин үгит-нәсиятлаў айрықша орын ийелейди. Солай екен, сайлаў участкасында жумыс үлгили шөлкемлестирилсе, комиссия ағзалары мәсләҳәтлесип хызмет көрсетсе, сайлаўшылар әлбетте, белсендилик көрсетиўине исенемиз,-дейди  сайлаў участкасы баслығы Раҳматжан Саидов.

Районда «Өзбекистан Республикасы Президенти сайлаўы ҳаққында»ғы Нызам ҳүжжетлерин үгит-нәсиятлаў мақсетинде семинарлар өткерилип атыр.

Қ.РЕЙМОВ, өз хабаршымыз.


ТАХТАКӨПИР. Районда Өзбекистан Республикасы Президенти сайлаўын шөлкемлескенлик пенен өткериўге пуқта таярлықлар көрилмекте. 25889 сайлаўшы дизимге алынған районда 19 сайлаў участ­касы дүзилип, олар 17 улыўма орта билим бериў мектеби, 1 кәсип-өнер колледжи ҳәм балалар музыка ҳәм көркем өнер мектеплеринде жайласқан. Участкада сайлаўларды жоқары дәрежеде өткериў мақсетинде комиссиялар сайлаўға байланыслы жаңа оқыў қолланбалары, керекли әдебиятлар, оргтехникалар ҳәм мәлимлеме байланыс қураллары менен толық тәмийинленген. Сондай-ақ, ҳәр бир участкада «Аналар ҳәм балалар», «Медицина» ҳәм участкалық сайлаў комиссиясы ханалары шөлкемлестирилип, бул арнаўлы бөлмелерге зәрүрли әнжамлар ҳәм дәри-дәрмақлар алып келтирилген.

Участкалық комиссия ағзалары сайлаўды демо­кратиялық принциплер тийкарында өткериў бойынша Орайлық ҳәм округлик сайлаў комиссиялары тәрепинен шөлкемлестирилип атырған семинарларға қатнасып, өз билим ҳәм көнликпелерин ба­йытып келмекте.

Әлбетте, сайлаўшыларға жаратып берилген бундай қолайлықлар биринши нәўбетте олардың бул сиясий илаж­ға белсене қатнасыўын екиншиден, сайлаўдың әдиллик, теңлик ҳәм қалыс өтиўин толық тәмийинлейди деп исеним менен айта аламыз.

Ә.ОРАЗОВ, арнаўлы хабаршымыз.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF