Еркин Қарақалпақстан Вести Каракалпакстана 20:47:25, 25.08.2019
Хош келипсиз! | RSS
Сайт мазмуны

Кириў усылы

БЛОК ПОСТТЫҢ ЖАҢА ИМАРАТЫ

Елимизде халықтың абадан ҳәм тыныш-татыў турмысын тәмийинлеў, оны көздиң қарашығындай қорғаў бағдарында бир қатар унамлы ислер әмелге асырылмақта. Әсиресе, ишки ислер уйымы тараўы хызметкерлери ушын қолайлы шараятлар жаратыўға, саланың материаллық-техникалық базасын беккемлеўге ҳәм кадрлардың кәсиплик маманлығын арттырыўға, олар ушын мүнәсип мийнет шараятын қәлиплестириўге айрықша итибар қаратылмақта.

Буған айқын мысал ретинде Төрткүл районындағы Бухара-Нөкис-Бейнеў А-380  автомобиль жолының 554-километринде жайласқан «Мискин» жол патруль хызмети  блок посты жаңа имаратының пайдаланыўға тапсырылыўын атап өтсе болады. Сметалық нырқы 4 миллиард 800 миллион сумнан аслам қаржы ажыратылған бул объектти «Қурылыс Бинокор Шоманай» жуўапкершилиги шекленген жәмийетиниң қолы гүл қурылысшылары белгиленген мүддетте тез ҳәм сапалы етип тапсырыўға еристи.

Жаңа имараттың  ашылыў салтанатында Қарақалпақстан Республикасы Жоқарғы Кеңеси Баслығының орынбасары А.Ҳамраев, Ишки ислер министри А.Темирханов ҳәм басқалар шығып сөйлеп, ҳуқық қорғаў уйы­мы, соның ишинде, жол патруль хызметине қаратылып атырған айрықша итибар және ғамқорлықтың нәтийжесинде елимиз халқының парахат ҳәм тыныш-татыў турмысы тәмийинленип атырғанлығын атап өтти.

Мәресимге ҳуқық қорғаў уйымларының, сондай-ақ, тийисли тараў басшылары, ра­йонның кең жәмийетшилик ўәкиллери қатнасты.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF